Junjun xjel in tzaj ttzaqʼweʼn Tyol Dios
¿Tiʼ moqa alkye in nok te Satanás?
¿JAKU TXI TQʼAMAʼNA QA a Satanás...
... jun xewbʼaj nya qʼanchaʼl?
... jun techel nya bʼaʼn tok qiʼj?
... jun kyximbʼetz xjal?
¿TIʼ IN TZAJ TQʼAMAʼN TYOL DIOS?
Yolin Satanás tukʼil Jesús ex ok tqʼoʼn toj malbʼil tuʼn miʼn t-xi tbʼiʼn Dios (Mateo 4:1-4). Tuʼntzunju, nya noq jun ximbʼetz jlu ex nya noq jun techel tiʼj nya bʼaʼn. Ax tok at Satanás ex nya bʼaʼn.
¿TIʼ MASTL IN TZAJ TQʼAMAʼN TYOL DIOS?
In tzaj tqʼamaʼn qa jun tbʼanel anjeltoq, noqtzun tuʼnj, el «tpaʼn tibʼ tiʼj ju yol axix tok» (Juan 8:44). El tpaʼn tibʼ Satanás tiʼj Dios ex ok te jun nikʼal yol.
Junjuntl anjel el kypan kyibʼ tiʼj Dios ex ok kymojbʼan kyibʼ tukʼe Satanás (Apocalipsis 12:9).
In sbʼun Satanás kyiʼj xjal tuʼn tkubʼ kyximen qa mintiʼte (2 Corintios 4:4).
¿Jakupe kawin Satanás kyibʼaj xjal?
ATEʼ JUNJUN XJAL IN KUBʼ KYXIMEN qa noq jun txʼolbʼabʼil jlu, ex ateʼ junjuntl in che tzaj xobʼ tuʼnju jaku tzʼok bʼinchaʼn nya bʼaʼn kyiʼj kyuʼn taqʼunal Tajaw il. ¿Tiʼ teya t-xim tiʼj jlu?
¿TIʼ IN TZAJ TQʼAMAʼN TYOL DIOS?
«Kykyaqil xjal twitz txʼotxʼ ateʼ tjaqʼ tipumal tajaw il» (1 Juan 5:19). At nim toklen Satanás tiʼj tkyaqilju in bʼant kyuʼn xjal, noqtzun tuʼnj, mlay bʼant tkawin kyibʼaj kykyaqil xjal.
¿TIʼ MASTL IN TZAJ TQʼAMAʼN TYOL DIOS?
In tzaj tqʼamaʼn qa in bʼant nim sbʼubʼil tuʼn Satanás tuʼn tkawin kyibʼaj xjal (2 Corintios 11:14).
At maj jaku tzʼok kybʼinchaʼn taqʼunal Tajaw il nya bʼaʼn kyiʼj xjal (Mateo 12:22).
Tukʼe onbʼil in tzaj tqʼoʼn Dios, jaku qo kubʼ weʼ twitz Satanás ex jaku qo tzaqpaj tiʼj (Santiago 4:7).
Bʼalo ax ikx tgana jlu
QE XJEL TIʼJ TYOL DIOS
¿Axpe tok at Tajaw il?
¿Axpe tok at Satanás moqa noq in nok te jun techel tiʼj tkyaqil nya bʼaʼn?
