¿Tiʼ in tzaj tqʼamaʼn Tyol Dios?
¿Tuʼnpe Dios in che tzaj yajbʼil?
¿Tiʼ teya jaku tzaj ttzaqʼweʼn?
Tuʼn
Nya
Tuʼnlo
Aju in tzaj tqʼamaʼn Tyol Dios
«Ate Dios aju at tipumal tuʼn tbʼant tkyaqil tuʼn mintiʼ in tbʼinchaʼn jun mya bʼaʼn ex qa aju mya tzʼaqlxix» (Job 34:10). Nya tuʼn Dios in che tzaj nya bʼaʼn ex yajbʼil at twitz Txʼotxʼ.
¿Tiʼ mastl in tzaj tqʼamaʼn Tyol Dios?
A Satanás «nejenel, aju in kawin kyibʼaj kykyaqil xjal», atzun at tpaj tiʼj tkyaqil yajbʼil in che tzaj (Juan 14:30).
At maj in che tzaj nya bʼaʼn ex yajbʼil tuʼnju nya toj tumel in kubʼ kyximen xjal tuʼn tbʼant jun tiʼ kyuʼn (Santiago 1:14, 15).
¿Kpolpe jun qʼij jatumel ya miʼn tzajtl yajbʼil qiʼj?
Aju in kubʼ kyximen junjun xjal At junjun xjal in kubʼ kyximen qa jaku kubʼ kynajsaʼn tkyaqil yajbʼil in tzaj qa ma tzʼok tilil kyuʼn junx, atzun junjuntl mintiʼ jun qʼuqbʼil kykʼuʼj qa jun rat jaku kyaj tkyaqil toj tbʼanel. ¿Tiʼ teya t-ximbʼetz tiʼj?
Aju in tzaj tqʼamaʼn Tyol Dios
Kbʼel tnajsaʼn Dios aju yajbʼil. Ex ya «mintiʼtl kamik, ex mintiʼtl bʼis, ex mintiʼtl oqʼel, ex mintiʼtl kʼixkʼoj» (Apocalipsis 21:3, 4).
¿Tiʼ mastl in tzaj tqʼamaʼn Tyol Dios?
Kʼajbʼel Jesús tuʼn Dios tuʼn tkubʼ tnajsaʼn tkyaqil yajbʼil o tzaj tuʼn Tajaw il (1 Juan 3:8).
Ok knojel twitz Txʼotxʼ kyuʼn xjal tbʼanel ex che anqʼil te jumajx (Salmo 37:9-11, 29).
Bʼalo ax ikx tgana jlu
QE XNAQʼTZBʼIL NIM KYOKLEN TOJ TYOL DIOS
¿Tiquʼn in tzaj tqʼoʼn Dios ambʼil te yajbʼil?
In kanet tzaqʼwebʼil quʼn toj Tyol Dios aju in tzaj tqʼuqbʼaʼn qkʼuʼj.
