Jun techel, ximana tiʼjju o tzaj kyqʼamaʼn junjun xjal tiʼj tzeʼn o tzʼonin Tyol Dios kyiʼj tej tjaw kyuʼjin ex tej tkubʼ kyqʼoʼn toj xnaqʼtzbʼil qe nabʼil tkuʼx toj.

«Mas tbʼanel wanqʼibʼile jaʼlo. Ax ikx, in kubʼ nnaʼne bʼaʼn ex tbʼanel nximbʼetze at. Mas in chin tzalaje» (Fiona).

«O ten ttxolil wanqʼibʼile tuʼnju in chin xnaqʼtzane tiʼj Tyol Dios» (Gnitko).

«Mas tbʼanelxix wanqʼibʼile jaʼlo: mas nya nim ambʼil in nok nqʼoʼne tiʼj aqʼuntl ex in nel npaʼne mas ambʼil tuʼn ntene kyukʼil toj njaye» (Andrew).

Nya oʼkx qe techel lu. Twitz tkyaqil Txʼotxʼ o tzʼel kynikʼ nimku xjal tiʼj qa nim in che onin nabʼil ateʼkux toj Tyol Dios.

Noqtzun tuʼnj, ¿tzeʼn jaku qo tzaj tonin Tyol Dios kyiʼj jlu?

• Aju qxmilal

• Aju in kubʼ qnaʼn

• Aju ja xjal ex qe amiw

• Aju pwaq

• Tuʼn qajbʼen te Dios

Tzul yekʼin kyoj junjuntl xnaqʼtzbʼil qa nya noq oʼkx xjan Tyol Dios, sino jun uʼj jaku tzʼonin qiʼj junjun qʼij.