TZEʼN TUʼN MIʼN TTZAJ BʼAJ QKʼUʼJ
¿In tzaj bʼaj teya tkʼuʼj?
«Qkyaqilx in tzaj bʼaj qkʼuʼj, noqtzun tuʼnj, in kubʼ nnaʼne qa aʼyine mas in tzaj bʼaj nkʼuʼje. Nya oʼkx tuʼnju in chin ikʼe toj jun nya bʼaʼn sino kyoj nimku. Ax ikx, ma tzikʼ nim ambʼil in chin xqʼuqine tiʼj nchmile, aju at jun yabʼil tiʼj t-xmilal ex toj twiʼ» (Julia). a
«In kyaj qʼoʼne tuʼn nxuʼjile ex njunalxe jaw chʼiysante kabʼe nkʼwale. Kwest tuʼnju in kyaj tene njunalxe. Nya oʼkxju, ax ikx el qʼiʼn waqʼune ex mintiʼtoq npwaqe moqa nmediye tuʼn t-xi bʼinchet nkaroye. Mintiʼ el nnikʼe tiʼj tiʼtoq tuʼn tbʼant wuʼne. Tzaj bʼajxix nkʼuʼje. Ojtzqiʼntoq wuʼne qa nya bʼaʼn tuʼn tkubʼ nbʼyon wibʼe, tuʼntzunju xi nqanine te Dios tuʼn tel tiʼn wanqʼibʼile» (Barry).
Ik tzeʼn bʼaj tiʼj Julia ex Barry, ¿in kubʼpe tnaʼna junjun maj qa ya mlay tzikʼx tuʼna? Qa ikju, che onil xnaqʼtzbʼil ateʼkux toj uʼj lu tiʼja ex kxel qʼuqbʼaʼn tkʼuʼja kyuʼn. Ok kyolil uʼj lu tiʼj tiquʼn in tzaj bʼaj qkʼuʼj moqa in tzaj estrés qiʼj, tiʼ in tzaj qiʼj tuʼn ex tiʼ jaku bʼant quʼn tuʼn tikʼx quʼn.
a Ma che kubʼ chʼixpet bʼibʼaj ateʼkux toj xnaqʼtzbʼil lu.
Bʼalo ax ikx tgana jlu
AJU XQʼUQIL
In tzaj bʼajxix kykʼuʼj xjal twitz tkyaqil Txʼotxʼ
Ok jun xnaqʼtzbʼil kʼitzqeku aju tzaj tyekʼun qa axpe ikx jaku che kyim naj xjal qa ma tzaj bʼaj chʼin kykʼuʼj. ¿Tiʼ jaku bʼant quʼn tuʼn miʼn ttzaj bʼajtl qkʼuʼj?
