¡WEʼKTZA! Tajlal 2 2020 | Tzaqʼwebʼil tiʼj 5 xjel tiʼj yajbʼil
Toj alkyexku ambʼil jaku qo ok weʼ twitz jun nya bʼaʼn, ik tzeʼn yabʼil, jun aksident, jun xitbʼil moqa tuʼn tpaj bʼiybʼel.
In che jyon xjal tiʼj tzaqʼwebʼil.
In kubʼ kyximen junjun xjal qa o qo kubʼ bʼinchaʼn tuʼn ttzaj yajbʼil qiʼj ex qa mlay bʼant jun tiʼ quʼn tuʼn miʼn ttzaj.
Atzun junjuntl in kubʼ kyximen qa in tzaj yajbʼil qiʼj tuʼnju nya bʼaʼn in bʼant quʼn jaʼlo moqa tuʼnju bʼant quʼn ojtxe.
Chʼixme tkyaqil maj, aʼyeju xjal in che ikʼ toj yajbʼil in che ximen kyiʼj junjun xjel aju mintiʼ in kanet tzaqʼwebʼil tiʼj kyuʼn.
Aju nimen kyuʼn junjun xjal
Bʼaʼn tuʼn tel tnikʼa tiʼj junxichaq kyximbʼetz okslabʼil at tiʼj yajbʼil in tzaj qiʼj.
1 ¿Tuʼnpe Dios in tzaj yajbʼil qiʼj?
Nim xjal o che kubʼ sbʼuʼn kyuʼn nya ax tok xnaqʼtzbʼil tiʼj Dios. ¿Alkye axix tok?
2 ¿Quʼnxpe in tzaj yajbʼil qiʼj?
Noqwit quʼnx in tzaj yajbʼil qiʼj, ax ikx jakulo bʼant tuʼn tel qiʼn.
3 ¿Tiquʼn in tzaj yajbʼil kyiʼj tbʼanel xjal?
In nonin Tyol Dios qiʼj tuʼn tel qnikʼ tiʼj tzaqʼwebʼil.
4 ¿Kubʼpe t-ximen Dios tuʼn ttzaj yajbʼil qiʼj?
¿Atpe ttxolil tuʼn tkubʼ tbʼinchaʼn Dios jun tbʼanel najbʼil ex tuʼn tten yajbʼil twitz? Qa nya ikju, ¿tiquʼn in tzaj yajbʼil qiʼj?
5 ¿Kpolpe jun qʼij jatumel miʼn tentl yajbʼil?
In tzaj tqʼamaʼn Xjan Uʼj qe tzeʼn kʼelel tiʼn Dios yajbʼil.
Jatumel jaku kanet onbʼil quʼn
Maske in kubʼ qximen qa mlay qo ex kywitz nya bʼaʼn, at jun tiʼ jaku tzʼonin qiʼj.
