4 ¿Kubʼpe t-ximen Dios tuʼn ttzaj yajbʼil qiʼj?
¿Tiquʼn nim toklen xjel lu?
Aj tok qojtzqiʼn tzaqʼwebʼil, jaku tzʼonin tuʼn tchʼexpaj qximbʼetz tiʼj qanqʼibʼil.
Ximana tiʼj jlu
¿Atpe ttxolil tuʼn tkubʼ tbʼinchaʼn Dios jun tbʼanel najbʼil ex tuʼn tten yajbʼil twitz?
Ateʼ junjun xjal nya okslal in najbʼen yajbʼil kyuʼn tuʼn tkubʼ kyxjelin tiquʼn o qo kubʼ tbʼinchaʼn Dios, ax ikx tuʼn ttzaj kyqʼamaʼn qa mintiʼ Dios at. Tuʼn yajbʼil at twitz Txʼotxʼ in tzaj kyqʼamaʼn xjal nya okslal jun kyxol oxe tiʼ lu: 1) qa mintiʼ tipumal Dios tuʼn tel tiʼn yajbʼil, 2) qa nya taj tuʼn tel tiʼn ex 3) qa mintiʼ jun Dios at.
Pero, ¿atpe juntl tiquʼn in tzaj yajbʼil qiʼj?
TUʼN TEL MAS TNIKʼA
Keʼyinka video ¿Tiquʼn jaku tzʼok qʼuqeʼ qkʼuʼj qa ax tok aju tkuʼx toj Tyol Dios? toj jw.org.
Aju in tzaj tqʼamaʼn Tyol Dios
Mintiʼ o qo kubʼ tbʼinchaʼn Dios tuʼn ttzaj yajbʼil qiʼj
Taj tuʼn qtzalaj tiʼj qanqʼibʼil.
«Ma tzʼel nnikʼe tiʼj aju mas bʼaʼn tuʼn tbʼant kyuʼn xjal, atzun tuʼn kytzalaj ex tuʼn kybʼinchante bʼaʼn tuj tkyaqil kyanqʼibʼl, porke qa in qo waʼn, ex qa in qo kʼan ex qa in qo tzalaj tiʼj ju ma qkʼam tiʼj qaqʼunbʼen, in qbʼinchaʼn jlu porke ax Dios ma tzaj qʼonte qe» (ECLESIASTÉS 3:12, 13).
Tzʼaqlitoq tkyaqil tej tkubʼ tbʼinchaʼn Dios Adán ex Eva
Nya tajtoq tuʼn ttzaj yajbʼil kyiʼj nix kyiʼj kyyajil.
«E kubʼtzun tkyʼiwlaʼn ex xi tmaʼn kye kyjaʼ: Che kʼwaʼline, chmet-x kybʼaje, kynojsame twitz txʼotxʼ ex che kawine tibʼaj» (GÉNESIS 1:28).
Kubʼ kyximen tnejel xjal tuʼn miʼn kynimen te Dios
Tzaj nim nya bʼaʼn kyiʼj ex kyiʼj kyyajil tuʼnju mintiʼ e nimen te Dios.
«Noq tuʼn jun xinaq okx il kyxol kykyaqil xjal, ex tuʼnju il tzaj kamik, kyjaʼtzun ilxix tiʼj tuʼn kykyim kykyaqil xjal tuʼnju kykyaqil e bʼinchan il» (ROMANOS 5:12). *
Mintiʼ o qo kubʼ tbʼinchaʼn Dios tuʼn qanqʼin ik tzeʼnx qe qajbʼil
Mintiʼ o qo kubʼ tbʼinchaʼn tuʼn qanqʼin tjaqʼ aʼ, ax ikx mintiʼ o qo kubʼ tbʼinchaʼn tuʼn qkawin qibʼajx.
«Mlay tzʼel tnikʼ xjal tiʼj alkye bʼe bʼaʼn tuʼn tbʼet tuj» (JEREMÍAS 10:23).
Nya taj Dios tuʼn ttzaj yajbʼil qiʼj
In tzaj tqʼoʼn consej qe tuʼn miʼn ttzaj nim nya bʼaʼn qiʼj.
«Noqwit xi kynimane aju xi nmaʼne kyeye, mawtlo che tene tuj txubʼtxaj nimxix ik tzaʼn jun nima nojni tuʼn aʼ» (ISAÍAS 48:18).
^ taqik' 17 Nya oʼkx tiʼj nya bʼaʼn qbʼinchbʼen in najbʼen yol il tuʼn Xjan Uʼj, sino ax ikx tiʼj il kyaj qʼoʼn kyibʼaj kykyaqil xjal.
Bʼalo ax ikx tgana jlu
AJU XQʼUQIL
¿Tiʼ in tnaʼn Dios aj ttzaj yajbʼil tiʼja?
Jaku che onin taqikʼ Tyol Dios lu tiʼja tuʼn tel tnikʼa tiʼj tiʼ t-ximbʼetz Dios at tiʼj yajbʼil.
