3 ¿Tiquʼn in tzaj yajbʼil kyiʼj tbʼanel xjal?
¿Tiquʼn nim toklen xjel lu?
Nya toj tumel tuʼn ttzaj yajbʼil kyiʼj tbʼanel xjal. Aj ttzaj yajbʼil kyiʼj bʼaʼn xjal, bʼalo jaku kubʼ t-ximen juntl qa noqx gan kʼokel tilil tuʼn tuʼn tkubʼ tbʼinchaʼn aju bʼaʼn.
Ximana tiʼj jlu
In nok qeʼ kykʼuʼj junjun xjal tiʼj qa in qo kyim ex qa in qo ul itzʼj nimku maj. In kubʼ kyximen qa ktel jun tbʼanel qanqʼibʼil aj qul itzʼj juntl maj tuʼnju in bʼant tbʼanel tiʼchaq quʼn, atzun qa ma kubʼ qbʼinchaʼn nya bʼaʼn, tzul nim yajbʼil qiʼj. Tuʼntzunju, jaku tzaj nya bʼaʼn tiʼj jun xjal bʼaʼn tmod tuʼnju nya bʼaʼn tbʼinchbʼen bʼant toj juntl tanqʼibʼil. Xjelinkuya jlu:
-
¿Tiquʼn il tiʼj tuʼn tikʼx kʼixkʼoj quʼn toj ambʼil jaʼlo tuʼn tpaj jun nya bʼaʼn bʼant quʼn toj juntl qanqʼibʼil aju mintiʼtl naʼn quʼn?
-
¿Tiquʼn kʼokel tilil quʼn tuʼn tten jun tbʼanel qanqʼibʼil ex tuʼn miʼn ttzaj jun aksident qiʼj qa ya bʼantni tiʼj tuʼn ttzaj nya bʼaʼn qiʼj noq tuʼnju bʼant quʼn toj juntl qanqʼibʼil?
TUʼN TEL MAS TNIKʼA
Keʼyinka video ¿Tiquʼn in tzaj tqʼoʼn Dios ambʼil te yajbʼil? toj jw.org.
Aju in tzaj tqʼamaʼn Tyol Dios
Aju yajbʼil in tzaj kyiʼj xjal nya jun kastiw tuʼn Dios
At maj in tzaj yajbʼil qiʼj tuʼnju atoʼ toj jun nya bʼaʼn lugar moqa toj jun nya bʼaʼn ambʼil.
«Mya tuʼnju kyuw che qelan xjal jaku che kambʼan tiʼj ojqelbʼil, ex mya tuʼnju kyuw kykʼuʼj xjal tuj qʼoj jaku che kambʼan tuj qʼoj; mya tuʼnju at kynabʼl xjal jaku knet kyuʼn, ex mya tuʼnju list qe xjal jaku che ok te qʼinun; mya tuʼnju xnaqʼtzamni qe xjal jaku kykʼam jun xtalbʼil». «Maske mintiʼ ximan tuʼn, pero noq minabʼen in tzaj mya bʼaʼn tibʼaj» (ECLESIASTÉS 9:11, 12).
In tzaj yajbʼil qiʼj tuʼnju aj il qoʼ aj qul itzʼj
Chʼixme tkyaqil maj in najbʼen yol il kyuʼn xjal tuʼn kyyolin tiʼj nya bʼaʼn kybʼinchbʼen. Noqtzun tuʼnj, in najbʼen yol il tuʼn Xjan Uʼj tuʼn tyolin tiʼj il kyaj tqʼoʼn Adán ex Eva kyibʼaj kykyaqil xjal, qa bʼaʼn xjal qe moqa nya.
«Ax tok atxix tej wul itzʼje mya bʼaʼn qine: aj il qine tej atinxtoqe tuj talbʼil ntxuʼye» (SALMO 51:5).
O tzaj nim nya bʼaʼn kyiʼj xjal tuʼn il
Nya oʼkx o tzaj tiʼn nya bʼaʼn tiʼj qamiwbʼil tukʼil Dios sino ax ikx tukʼil tkyaqil tbʼinchbʼen ik tzeʼn kyukʼil txqantl xjal. Tuʼn jlu o tzaj kʼixkʼoj kyiʼj kykyaqil tbʼinchbʼen.
«Wajbʼile tuʼn nbʼinchanteye aju bʼaʼn, pero aju mya bʼaʼn tkubʼ nwitze» (ROMANOS 7:21).
«Tkyaqil tchʼisbʼen Dios junx ateʼ tuj kʼixkʼoj ex kukx ky-ayin jaʼlo ik tzaʼn jun xuʼj nnuʼl itzʼj tal» (ROMANOS 8:22).
Bʼalo ax ikx tgana jlu
AJU XQʼUQIL
¿Tiquʼn in tzaj nya bʼaʼn kyiʼj tbʼanel xjal?
In tzaj tqʼamaʼn Tyol Dios qa at oxe tiquʼn in tzaj nya bʼaʼn kyiʼj xjal.
