1 ¿Tuʼnpe Dios in tzaj yajbʼil qiʼj?
¿Tiquʼn nim toklen xjel lu?
Nim xjal mintiʼ in che nimen te Dios tuʼnju in kubʼ kyximen qa tuʼn in tzaj yajbʼil qiʼj.
Ximana tiʼj jlu
O txi kyxnaqʼtzaʼn nejenel kye okslabʼil qa tuʼn Dios in tzaj yajbʼil kyiʼj xjal. Jun techel, in kyqʼamaʼn junjun...
-
... qa jun kastiw tuʼn Dios aj kytzaj xitbʼil tuʼnx twitz txʼotxʼ.
-
... qa in che kyim kʼwal tuʼnju taj Dios juntl t-anjel toj kyaʼj.
-
... qa in nonin Dios kyiʼj nimaq qʼoj.
Pero, ¿ope tzaj kyqʼamaʼn nejenel kye okslabʼil nya ax tok yol tiʼj Dios? ¿Yajtzun qa mintiʼ in tzalaj Dios kyiʼj?
TUʼN TEL MAS TNIKʼA
Keʼyinka video ¿Tiquʼn bʼaʼn tuʼn t-xnaqʼtzana tiʼj Tyol Dios? toj jw.org.
Aju in tzaj tqʼamaʼn Tyol Dios
Nya tuʼn Dios in tzaj yajbʼil qiʼj
Noqwit tuʼn Dios in tzaj yajbʼil qiʼj, mintiʼ toklen jlu kyukʼil tmod. Jun techel:
«Tuj tumelxix tkyaqilju in tbʼinchaʼn [...], tzʼaqlxix te ex jiqun tiʼj tmod» (DEUTERONOMIO 32:4).
«Ate Dios aju at tipumal tuʼn tbʼant tkyaqil tuʼn mintiʼ in tbʼinchaʼn [...] aju mya tzʼaqlxix» (JOB 34:10).
«Ate Dios aju at tipumal tuʼn tbʼant tkyaqil tuʼn mintiʼ in tbʼinchaʼn jun mya bʼaʼn, ex mintiʼ in tbʼinchaʼn aju mya tzʼaqlxix» (JOB 34:12).
Mintiʼ in xi tkʼamoʼn Dios qe okslabʼil in che nikʼan yol tiʼj
Ik tzeʼn qeju in tzaj kyqʼamaʼn qa tuʼn in tzaj yajbʼil, ax ikx qeju in che onin tiʼj qʼoj ex tiʼj bʼiybʼel.
«Qe xjal lu noq in che nikʼan yol ex noqx gan in tzaj kynaʼn nbʼiye [tbʼi Dios]. Mintiʼwe ma che tzaj nsamaʼn, mintiʼwe ma tzaj nmaʼn kye ikju, ex mintiʼ ma chin yoline kyukʼil. Aju in kymaʼn kyeye qa at ma kyil ik tzaʼn tuj witzikʼ, mya ax tok kyuʼn, noq sbʼubʼl jlu, noq tten kyuʼn ex noq tuj kyex kynabʼl ma jaw jlet jlu» (JEREMÍAS 14:14).
Tqʼama Jesús qa xmeletzʼ qe okslabʼil
«Aqeju in kymaʼn weye: Tat, Tat, mya kykyaqil che okex tuj kawbʼil in tzaj tuj kyaʼj; noq oʼkx kʼokex aju in tbʼinchaʼn tajbʼil Nmane aju at tuj kyaʼj. Nimku xjal tuj tqʼijlalil tzul ok kymaʼ weye: Tat, Tat, ¿mintiʼpetzun qoklene tzaj tqʼoʼna tuʼn qpakbʼane, ex tuʼn tipumala e jeʼtz qe juʼẍ tuj kyanmi xjal quʼne, ex tuʼn tipumala o qbʼinchaye nimku bʼinchbʼen nim kyipumal?, che chi. Atzun weye kxel nmaʼne kye: Mintiʼ ojtzqiʼn kywitze wuʼne; kypaʼmil kyibʼe wiʼje aqeye bʼinchal mya bʼaʼn» (MATEO 7:21-23).
Bʼalo ax ikx tgana jlu
QE XJEL TIʼJ TYOL DIOS
¿Tuʼnpe Dios in che tzaj yajbʼil?
Kykyaqilx xjal in tzaj yajbʼil kyiʼj, axpe ikx kyiʼj qeju in che ajbʼen te Dios. ¿Tiquʼn?
QE XJEL TIʼJ TYOL DIOS
¿Tiquʼn e kubʼ bʼyoʼn nim aj Judiy? ¿Tiquʼn xi tqʼoʼn Dios ambʼil tuʼn tbʼaj jlu?
O kubʼ kyxjelin nim xjal tiquʼn in tzaj tqʼoʼn Dios te kʼujlabʼil ambʼil te nya bʼaʼn. Kkanetel tbʼanel tzaqʼwebʼil tuʼna toj Tyol Dios.
AJU XQʼUQIL
Aju yajbʼil: ¿Junpe kastiw jlu tuʼn Dios?
¿In najbʼen yabʼil ex xitbʼil tuʼn Dios tuʼntzun tkubʼ kykastiw xjal tuʼn tlaj kyil?
