Bʼinchama qe tiʼchaq tukʼil kʼujlabʼil
Aju nya bʼaʼn
Nya jun rat jaku kubʼ naj ikʼbʼil toj qanmi. At nim tiʼchaq in bʼant kyuʼn xjal tuʼn tnaʼj jun virus ex in xi tiʼn ambʼil, ax jlu in bʼaj tuʼn tkubʼ naj ikʼbʼil. ¿Tiʼ jaku bʼant quʼn tuʼn kynaj qximbʼetz nya toj tumel?
Nabʼil toj Tyol Dios
«Tuʼn tten kykʼujlalile, porke tuʼntzun jlu qtzuylaj qibʼ qkyaqil» (COLOSENSES 3:14).
¿Tiʼ t-xilen jlu? In ten mujbʼabʼil kyxol xjal aj tbʼaj kyonin kyibʼ. Qa kʼujlaʼn qe txqantl tuʼna ex in kubʼ tyekʼina, che najel t-ximbʼetza nya toj tumel at kyiʼj ex mlay ten ikʼbʼil toj tanmiya.
Aju jaku bʼant tuʼna
Ximana tiʼj tzeʼn jaku kubʼ tyekʼina tkʼujlabʼila tiʼj jun kʼloj xjal at t-ximbʼetza nya toj tumel kyiʼj. Nya il tiʼj tuʼn kybʼant tiʼchaq kwest tuʼna. Jaku bʼant jlu tuʼna:
Kbʼel naj ikʼbʼil toj qanmi qa ma tzʼok tilil quʼn tuʼn tkubʼ qyekʼin qkʼujlabʼil kyiʼj txqantl.
Bʼaʼn tuʼn tkubʼ tyekʼin tbʼanel tmoda kyukʼil, jun techel, jaku txi tzeʼna kyukʼil moqa jaku txi tqʼoʼna tlugara kye toj bus.
Miʼn che ajbʼen yol kwest tuʼna aj tyolina kyukʼil, mas qa mintiʼxix in bʼant kyyolin toj tyola.
Tenx tpasensa aj t-xi kybʼinchaʼn jun tiʼ mintiʼ in nel tnikʼa tiʼj.
Qʼonka twiʼya tiʼjju in tzaj kyqʼamaʼn teya ex tzʼelx tnikʼa kyiʼj nya bʼaʼn in che ok weʼ twitz.
Bʼalo ax ikx tgana jlu
¡WEʼKTZA!
Qe tbʼanel consej tuʼn tten mujbʼabʼil qxol kyukʼil txqantl
¿Alkyeqe tbʼanel mod in che onin qiʼj tuʼn tten mujbʼabʼil qxol kyukʼil txqantl?
