Jun tbʼanel onbʼil
«Tkyaqil aju tzʼibʼan tuj Tuʼjil, a Dios o qʼmante» (2 Timoteo 3:16). Aju taqikʼ Tyol Dios lu, in tzaj tyekʼin qa te Dios t-ximbʼetz tkuʼx toj Biblia ex qa noq e ajbʼen junjun xjal tuʼn tuʼn tkubʼ kytzʼibʼin.
Taj Dios tuʼn tonin qe tconsej tiʼja
«Aqine Dios aju Kymane, aqine chin xel xnaqʼtzante ju bʼaʼn tuʼn tajbʼen te kyeye, aqine chin xel ẍaqlunte kyeye tuj bʼe kxel kyiʼne. Noqwit xi kynimane aju xi nmaʼne kyeye, mawtlo che tene tuj txubʼtxaj nimxix ik tzaʼn jun nima nojni tuʼn aʼ, ex aju in kybʼinchaʼne, bʼaʼnwtlo ma tzʼel kyeye ik tzaʼn ju aʼ in jaw xtulqʼin tibʼaj mar» (ISAÍAS 48:17, 18).
Jaku tzʼok tqʼoʼna jlu te jun txokbʼil in tzaj tqʼoʼn Dios tiʼja. Taj Dios tuʼn ttena toj txubʼtxaj ex tuʼn ttzalaja te jumajx, ex taj tuʼn tonin tiʼja.
Jaku che kanet qe tconsej Dios tuʼna
«Ilxix tiʼj tuʼn t-xi pakbʼet tqanil kolbʼil kye xjal kyuj kykyaqil nasyon» (MARCOS 13:10).
Aju «tqanil kolbʼil» lu, atz in yolin tiʼj ttziybʼil Dios qa kʼelel tiʼn yajbʼil qiʼj, qa kʼokel Txʼotxʼ te jun tbʼanel najbʼil ex qa che jawil anqʼin qe toj qja ex qe qamiw tuʼn. In che pakbʼan testigos de Jehová tiʼj tbʼanel tqanil twitz tkyaqil Txʼotxʼ.
Bʼalo ax ikx tgana jlu
AJU XQʼUQIL
Tkuʼx axix tok toj Tyol Dios
Jaku tzʼok qeʼ tkʼuʼja tiʼj qa in tzaj tqʼamaʼn Tyol Dios axix tok.
