Qe tbʼanel consej tuʼn qtzalaj
«In tzaj nim nbʼise aj tok nkeʼyine tkyaqil nya bʼaʼn in bʼaj twitz Txʼotxʼ ik tzeʼn qe nimaq qʼoj, mebʼayil, qe yabʼil ex aju nya bʼaʼn in nok bʼinchaʼn kyiʼj kʼwal. Pero jaʼlo o kanet jun qʼuqbʼil nkʼuʼje» (RANI). *
Kubʼ tnaʼn Rani nim tzalajbʼil tej tel tnikʼ tiʼj qa oʼkx Dios jaku tzʼonin qiʼj tuʼn qtzalaj. Akux in jaw tuʼjina uʼj lu, ximana tiʼj tzeʼn in nonin qiʼj:
Tuʼn qtzalaj kyukʼil toj qja.
Tuʼn tten mujbʼabʼil qxol kyukʼil txqantl.
Tuʼn qtzalaj tiʼjju at qe.
Tuʼn tel qnikʼ tiʼj tiquʼn in tzaj yajbʼil qiʼj ex in qo kyim.
Tuʼn tten jun qʼuqbʼil qkʼuʼj tiʼj ambʼil tzul.
Tuʼn tok qojtzqiʼn Dios ex tuʼn qok laqʼeʼ ttxlaj.
Ax ikx, kʼelel tnikʼa tiʼj qa nya oʼkx in tzaj tqʼoʼn Dios onbʼil kye junjun xjal, sino kye kykyaqil qeju in che jyon tiʼj.
^ taqik' 2 Ma che kubʼ chʼixpet bʼibʼaj ateʼkux toj xnaqʼtzbʼil lu.
