AT NIM NYA BʼAʼN
3 | Miʼn tzʼel tpan tibʼa kyiʼj xjal kʼujlaʼn tuʼna
¿TIQUʼN NIM TOKLEN?
Aj t-xiʼ nya bʼaʼn toj il, ateʼ nim xjal ya mintiʼ in nok kyxqʼuqin toj kyja. At maj in bʼaj jlu:
-
In nel kypan kyibʼ xjal kyiʼj txqantl.
-
Mas in tzaj qʼoj kyxol mejebʼleʼn.
-
Ya mintiʼ in nok kyqʼoʼn mambʼaj kywiʼ tiʼjju in tzaj bʼaj kykʼuʼj kykʼwal tiʼj.
¿O tzʼok tbʼiʼna?
-
Nim toklen tuʼn kyten qamiw toj ambʼil kwest tuʼnju jaku che onin qiʼj tuʼn miʼn ttzaj bʼaj qkʼuʼj ex tuʼn miʼn ttzaj qbʼis.
-
Aj ttzaj bʼaj qkʼuʼj tuʼn tkyaqilju in bʼaj twitz Txʼotxʼ, jaku tzaj tiʼn nya bʼaʼn kyiʼj toj qja toj junxichaq tten.
-
Aj tok kykeʼyin tkʼwala qe noticia, mas jaku tzaj nya bʼaʼn kyiʼj twitzju in kubʼ t-ximana.
¿Tiʼ jaku bʼant tuʼna?
In tzaj tqʼamaʼn Tyol Dios jlu: «Aju tamiw jun xjal kukx in ten tkʼujlalil tiʼj, ex ok ttzaj jun mya bʼaʼn tiʼj, nnoʼk tamiw ik tzaʼn jun terman» (Proverbios 17:17).
Yolina tukʼil jun tamiwa jaku tzʼel tnikʼ tiʼja ex jaku tzaj tqʼoʼn tbʼanel tconseja. Aj tel tnikʼa tiʼj qa kʼujlaʼna tuʼn jun xjal, tzul tqʼoʼn tipumala tuʼn texa kywitz nya bʼaʼn.
Bʼalo ax ikx tgana jlu
¡WEʼKTZA!
Qe tbʼanel consej tuʼn tten mujbʼabʼil qxol kyukʼil txqantl
¿Alkyeqe tbʼanel mod in che onin qiʼj tuʼn tten mujbʼabʼil qxol kyukʼil txqantl?
