¿Tiʼ in bʼaj tukʼil respeto in kubʼ qyekʼin qiʼj?
¿TIQUʼN NIM TOKLEN TUʼN TOK QRESPETARIN QIBʼ?
Aqeju xjal in nok kyrespetarin kyibʼ in che ex kywitz nya bʼaʼn tukʼil kyipumal ex mintiʼ in tzaj bʼaj naj kykʼuʼj.
-
In tzaj kyyekʼin junjun xnaqʼtzbʼil qa aʼyeju xjal mintiʼ jun tbʼanel kyximbʼetz kyiʼjx mas jaku che yabʼti tuʼn ansiedad, tuʼn depresión ex at maj mintiʼxix in che waʼn moqa nim in che waʼn. Ex mas jaku che naqʼet tuʼn t-xi kykʼan qʼeʼn ex tuʼn t-xi kykʼan nim qʼanbʼil axpe ikx droga.
-
Aju xjal in nok trespetarin tibʼ mintiʼ in nok tmojbʼan tanqʼibʼil kyukʼil txqantl ex a jlu in nonin tuʼn kukx tten jun tbʼanel tamiwbʼil kyukʼil txqantl. Atzun kye xjal mintiʼ in nok kyrespetarin kyibʼ mas in che yolin nya bʼaʼn kyiʼj junjuntl ex tuʼn jlu mas jaku txiʼ naj kyamiwbʼil kyukʼil txqantl.
-
Ax ikx, aʼyeju xjal in nok kyrespetarin kyibʼ mas jurat in che ex kywitz nya bʼaʼn ex mintiʼ in xiʼ kyqʼon ambʼil kye tuʼn miʼn tjapun twiʼ kyximbʼetz. Noqtzun tuʼnj, aqeju mintiʼxix in nok kyrespetarin kyibʼ, aj kyok weʼ kywitz nya bʼaʼn, in kubʼ kyximen qa mlayx che ex twitz. Tuʼn jlu, in tzaj bʼajxix kykʼuʼj ex jurat naj in che kubʼ numj.
¿TIʼ JAKU BʼANT TUʼNA?
Jyonxa qe tamiwa jaku che onin tiʼja. Paʼmila ambʼil tuʼn ttena kyukʼil xjal bʼaʼn che respetarin aqeju ax tok kyaj tuʼn ttena bʼaʼn ex aʼyeju jaku che onin tiʼja toj tanqʼibʼila.
Tzʼonina kyiʼj txqantl. Qa tbʼanel teya tmod ex qa in tbʼinchana xtalbʼil kyiʼj txqantl, axpe ikx kyiʼj qeju mlay bʼant tuʼn tzaj kyqʼon t-xel teya, ktzalajela tuʼn jlu ex kbʼel tnaʼna qa at tajbʼen aju in bʼant tuʼna. Axpe ikx qa mijun in tzaj qʼonte chjonte teya.
Che onine kyiʼj kykʼwale tuʼn tok kyrespetarin kyibʼ. Jun tten tuʼn tbʼant jlu kyuʼne aju qa ma txi kyqʼoʼne ambʼil kye kykʼwale tuʼn t-xi kybʼinchan kyiʼj problem in che ok weʼ kywitz kyjunalx. Atzun jlu kʼonil kyiʼj tuʼn kyex kywitz qe problem matij che okel weʼ kywitz. Ax ikx, kʼonil jlu kyiʼj tuʼn tok kyrespetarin kyibʼ aj kychʼiy moqa aj kyok te matij xjal.
¿TIʼ IN BʼANT QUʼNE, AQOʼYE TESTIGOS DE JEHOVÁ?
Aqeju qchmabʼile ex qxnaqʼtzbʼile aqoʼye testigos de Jehová tiʼj Tyol Dios in che onin kyiʼj nimku xjal tuʼn tten kyanqʼibʼil mas tbʼanel ex, tuʼn jlu, mas in nok kyrespetarin kyibʼ.
AQEJU QCHMABʼILE IN CHE OK KYKYAQIL SEMAN
Kyoj qeju qchmabʼile lu in nok qbʼiʼne qe chikʼbʼabʼil in che jatz toj Tyol Dios. Ex qeju consej lu in che onin qiʼje tuʼn tok qrespetarin mas qibʼe. Nya chjoʼn tuʼn qokx kyoj chmabʼil lu ex jaku che pon noq alkyexku xjal. Jun techel, kʼelel tnikʼa tiʼj. . .
-
. . . tiquʼn nim toklena toj twitz Dios.
-
. . . alkye tten jaku kanet ttxolil tanqʼibʼila.
-
. . . tzeʼn tuʼn kyten tbʼanel tamiwbʼila ex te jumajx.
Ax ikx che kanetel tbʼanel tamiwa, aʼyeju xjal ax tok in che «kykwentin kyibʼ kyxolx» (1 Corintios 12:25, 26).
Tuʼn tel mas tnikʼa kyiʼj chmabʼil lu jaku tzʼokxa toj jw.org ex qʼonka twitza tiʼj video ¿Tiʼ in bʼaj toj jun Ja te Chmabʼil?
AQEJU QXNAQʼTZBʼILE TIʼJ TYOL DIOS
In xi qqʼone xnaqʼtzbʼil noq kukx tiʼj Biblia tukʼil uʼj Tzalaja tiʼj tanqʼibʼila. In nonin uʼj lu tuʼn qximen kyiʼj junjun xjel ex tuʼn tel qnikʼ kyiʼj junjun taqikʼ Tyol Dios nim kyoklen. Nya kwest tuʼn tel qnikʼ kyiʼj xnaqʼtzbʼil lu tuʼnju ateʼqe video ex dibujo tbʼanelxix che keʼyin. In nonin xnaqʼtzbʼil lu tuʼn tkubʼ kynaʼn xjal qa nim kyoklen ex qa jaku tzʼonin kyiʼj toj kyanqʼibʼil.
Qa taja tuʼn tel tnikʼa tiʼj alkye tten tuʼn t-xnaqʼtzana tiʼj Biblia kyukʼil qe testigo de Jehová, tzʼokxa toj jw.org ex qʼonka twitza tiʼj video ¿Tiquʼn bʼaʼn tuʼn t-xnaqʼtzana tiʼj Tyol Dios?
Bʼalo ax ikx tgana jlu
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
TQANIL KYIʼJ TESTIGOS DE JEHOVÁ
Tuʼn tten toj jun chmabʼil
Ojtzqinka mas kyiʼj qe qchmabʼile. Jyontza jun Ja te Chmabʼil nqayin taʼ jatumel najliya.
