1 Qe terremoto

«Ktzajel kyaqnajnabʼ kyuwxix» (LUCAS 21:11).

● Aʼyeju xjal qʼol tqanil te jun televisión, ok kybʼiʼn tqʼajqʼajel twi jun xjal kyjaqʼ tiʼchaq tej tbʼaj terromoto Haití. Atoq Winnie, jun tal neʼ te jun abʼqʼi tukʼil qaq xjaw. Oʼkx te klet, atzun kye ttat e kyim.

¿TIʼ IN TZAJ KYQʼAMAʼN TQANIL? Tej ttzaj terremoto atz Haití toj enero te 2010 te magnitud 7, e kyim mas te 300 mil xjal ex jun millón 300 mil xjal naj kyja. Tzaj nim nya bʼaʼn tuʼn terremoto lu, ax ikx tzaj junjuntl terremoto toj junjuntl tnam. Toj abril te 2009 a abril te 2010, tzaj 18 terremoto.

AJU IN TZAJ KYQʼAMAʼN XJAL: Nya mas nim terremoto in tzaj jaʼlo ik tzeʼn ojtxe. Tuʼnju at nim kʼuxbʼil toj ambʼil jaʼlo, mas jun rat in nok qbʼiʼn tqanil.

¿TOJPE TUMEL AJU IN TZAJ KYQʼAMAʼN XJAL? Bʼaʼn tuʼn ttzaj qnaʼn qa mintiʼ in tzaj tqʼamaʼn Tyol Dios tajlal terremoto tuʼn ttzaj kyoj bʼajsbʼil tqʼijlalil. Pero in tzaj tqʼamaʼn qa «noq jachaq tzul kyaqnajnabʼ», tuʼn jlu in nel qnikʼ tiʼj qa in qo anqʼin kyoj bʼajsbʼil tqʼijlalil (Marcos 13:8; Lucas 21:11).

¿TIʼ T-XIMA TIʼJ? ¿In tzajpe nim terremoto toj ambʼil jaʼlo ik tzeʼn kyaj qʼamaʼn toj Tyol Dios?

Jakulo kubʼ qximen qa nya tuʼnju in tzaj nim terremoto in qo anqʼin kyoj bʼajsbʼil tqʼijlalil, pero in japun twiʼ jun profecía tuʼn. Qo xnaqʼtzan tiʼj juntl.

[Yol]

«[Aqoʼye geofísico] in nok qqʼoʼne kybʼi ik tzeʼn matij terremoto. Atzun kye xjal in nok kyqʼoʼn kybʼi te xobʼajil» (KEN HUDNUT, SERVICIO GEOLÓGICO DE ESTADOS UNIDOS).

[Reconocimiento]

© William Daniels/Panos Pictures