2 Weʼyaj

«Tzul weʼyaj» (MARCOS 13:8).

● In pon jun xinaq klol tibʼ atz toj aldea Quaratadji te tnam Níger. Ax ikx qe tprim, qe terman ex qe tanabʼ o che etz oq toj kytnam tuʼn tpaj weʼyaj. In kubʼ jtan jun xinaq tibʼaj jun pop twitz txʼotxʼ, ¿tiquʼn in bʼaj jlu? In tzaj tchikʼbʼaʼn Sidi jlu aju nejenel toj aldea: «Kwest in nela te xinaq lu tuʼn tkanet twi kywa [toj tja] tuʼntzunju mintiʼ in xi tkeʼyin toj kywitz».

¿TIʼ IN TZAJ KYQʼAMAʼN TQANIL? Twitz tkyaqil Txʼotxʼ, jun tiʼj wuq xjal in nikʼx weʼyaj tuʼn toj tkyaqil ambʼil. Pero at mas weʼyaj toj África subsahariana, tuʼnju jun tiʼj oxe xjal in nikʼx weʼyaj kyuʼn. Tuʼn tel qnikʼ tiʼj jlu, qo ximen tiʼj jun ja xjal jatumel at jun tatbʼaj, jun txubʼaj ex jun kʼwal. Qa oʼkx at kywa kabʼe xjal, ¿alkye kikʼex weʼyaj tuʼn? ¿Ape mambʼaj moqa txubʼaj? Ateʼ nim ja xjal in che ok weʼ twitz nya bʼaʼn lu tkyaqil qʼij.

AJU IN TZAJ KYQʼAMAʼN XJAL: In tzaj tqʼoʼn txʼotxʼ wabʼj kye kykyaqil xjal, oʼkx il tiʼj tuʼn kyajbʼen tiʼchaq toj tumel.

¿TOJPE TUMEL AJU IN TZAJ KYQʼAMAʼN XJAL? Toj ambʼil jaʼlo mas wabʼj in tzaj tqʼoʼn txʼotxʼ ex mas in xi sipet twitz tkyaqil Txʼotxʼ. Tuʼn jlu jaku kubʼ qximen qa jaku txi kyqʼoʼn aj kawbʼil kywa kykyaqil xjal tuʼntzun ya miʼn tten weʼyaj. O tzʼok tilil kyuʼn aj kawil kyoj nimku abʼqʼi tuʼn miʼn tten weʼyaj, pero kukx at.

¿TIʼ T-XIMA TIʼJ? ¿Axpe tok aju in tzaj tqʼamaʼn Marcos 13:8? Maske o che bʼant akʼaj kʼuxbʼil kyuʼn xjal, ¿kukxpe at weʼyaj kyiʼj xjal?

Kyuʼn terremoto ex weʼyaj in nel qnikʼ tiʼj qa in qo anqʼin kyoj bʼajsbʼil tqʼijlalil, pero ax ikx in tzaj juntl nya bʼaʼn tuʼn jlu.

[Yol]

«Mintiʼwtlo in che kyim nim kʼwal tuʼn neumonía, diarrea ex junjuntl yabʼil, noqwit at kywa» (ANN M. VENEMAN, EX DIRECTORA EJECUTIVA DE UNICEF).

[Reconocimiento]

© Paul Lowe/Panos Pictures