3 Qe yabʼil
3 Qe yabʼil
«Ktzajel [...] txʼuʼj yabʼil noq jachaq» (LUCAS 21:11).
● In nanqʼin Bonzali toj jun tnam te África ex in naqʼunan toj salud, ok tilil tuʼn tuʼn tonin kyiʼj xjal in che aqʼunan toj mina tuʼn miʼn kykyim tuʼn virus Marburgo tbʼi. * Xi tqanin onbʼil kye xjal at kyoklen toj salud, pero ikʼ mas te kyaje xjaw tej ttzaj tzaqʼweʼn. Otoq kyim Bonzali tej tpon onbʼil, tuʼnju otoq tzʼel tiqen virus kyiʼj xjal in che aqʼunan toj mina.
¿TIʼ IN TZAJ KYQʼAMAʼN TQANIL? Nim xjal o che kyim kyuʼn yabʼil ik tzeʼn neumonía, diarrea, sida, tuberculosis ex malaria. Toj 2004, kyim chʼixme 11 millón xjal kyuʼn jweʼ yabʼil lu, toj juntl yol, kyim jun xjal tej tikʼ oxe segundos.
AJU IN TZAJ KYQʼAMAʼN XJAL: Mas in tzaj yabʼil kyiʼj xjal tuʼnju mas in chʼiy kybʼet twitz tkyaqil Txʼotxʼ.
¿TOJPE TUMEL AJU IN TZAJ KYQʼAMAʼN XJAL? Maske o chʼiy kybʼet xjal twitz tkyaqil Txʼotxʼ, ax ikx mas o tzʼel kyikʼ xjal kyiʼj yabʼil ex kyiʼj qʼanbʼil. Tuʼntzunju, mintiʼwtlo tuʼn ttzaj mas yabʼil, pero mas in tzaj.
¿TIʼ T-XIMA TIʼJ? ¿In tzajpe txʼuʼj yabʼil kyiʼj xjal toj ambʼil jaʼlo ik tzeʼn kyaj qʼamaʼn toj Tyol Dios?
In tzaj nim nya bʼaʼn kyiʼj xjal kyuʼn terremoto, tuʼn weʼyaj ex kyuʼn txʼuʼj yabʼil. Ax ikx, in nok bʼinchaʼn nim nya bʼaʼn kyiʼj nim xjal kyuʼn toj kyja ex mintiʼ in che xqʼuqin kyiʼj. Qʼonka twitza tiʼjju in tzaj tqʼamaʼn Tyol Dios tiʼj jlu.
[Tqanil]
^ taqik' 3 In tzaj yabʼil Marburgo kyiʼj xjal tuʼn jun virus at toklen tukʼil ébola.
[Yol]
«Xobʼajilxix qa ma qox waʼn tuʼn jun león, ax ikx xobʼajilxix aj tok qbʼiʼn qa at jun tiʼ toj qxmilal ex in naj tuʼn» (MICHAEL OSTERHOLM, EPIDEMIÓLOGO).
[Reconocimiento]
© William Daniels/Panos Pictures