Jun tbʼanel ambʼil

«Noq chʼintl taj tuʼn kykubʼ naj qeju mya bʼaʼn [...]. Atzun qe xjal mans che okel etzal teju txʼotxʼ, ex puro tuj txubʼtxaj che tel» (SALMO 37:10, 11).

¿TAJPE teya tuʼn tjapun twi profecía lu? Bʼalo taja. Ex at junjun tiquʼn jaku tzʼok qeʼ qkʼuʼj tiʼj qa chʼix tjapun.

Ma qo yolin kyiʼj junjun profecía kyoj xnaqʼtzbʼil ma che kyaj ex tuʼn jlu in nel qnikʼ tiʼj qa in qo anqʼin kyoj bʼajsbʼil tqʼijlalil (2 Timoteo 3:1-5). Ajbʼen xewbʼaj xjan tuʼn Dios tuʼn tkubʼ kytzʼibʼin xjal qe profecía tuʼntzun ttzaj tqʼoʼn jun qʼuqbʼil qkʼuʼj (Romanos 15:4). Ex tuʼnju in japun kywi profecía lu toj ambʼil jaʼlo, in tzaj tyekʼin jlu qa chʼix tel qʼiʼn tkyaqil nya bʼaʼn.

¿Tiʼ kbʼajel aj tbʼaj bʼajsbʼil tqʼijlalil? Ok kkawil Tkawbʼil Dios kyibʼaj xjal (Mateo 6:9, 10). Qʼonka twitza tiʼj tzeʼn che anqʼil xjal toj ambʼil tzul:

● Ya miʼn ten weʼyaj. «Kchmetel nim twitz triw tuj txʼotxʼ lu ex ktzajel chʼiy nimxix tuj tiwitz txʼotxʼ» (Salmo 72:16).

● Ya miʼn ten yabʼil. «Mi jun xjal najl tuj tnam ok tmaʼ kyjaʼ: Yabʼ qine, chiwt» (Isaías 33:24).

● Kʼokel Txʼotxʼ te jun tbʼanel najbʼil. «Ktzalajel aju lugar mintiʼ kynajbʼil xjal tuj, ex aju tzqij txʼotxʼ ktzalajel nimxix ex che jawil poqʼl nim bʼech twitz» (Isaías 35:1).

Noq junjun yekʼbʼil jlu kyiʼj nimku profecía chʼix tjapun kywiʼ. Qa taja tuʼn tel tnikʼa tiʼj xnaqʼtzbʼil lu, qaninxa te jun testigo de Jehová tuʼn ttzaj tchikʼbʼaʼn teya tiquʼn in nok qeʼ tkʼuʼj tiʼj qa tzul jun tbʼanel ambʼil.