Aju Tkawbʼil Dios jun kawbʼil, moqa jun gobierni, at toj kyaʼj. Xi tqʼamaʼn Jesús kye qeju lepchiqeʼk tiʼj tuʼn kynaʼn Dios tiʼj Kawbʼil lu tuʼnju tzul tiʼn juntl maj tzalajbʼil twitz Txʼotxʼ ex kbʼel tbʼinchaʼn aju tzʼaqli. Mintiʼx in bʼant tuʼn tel kyiʼn kykawbʼil xjal tkyaqil bʼiybʼel, tkyaqil nya bʼaʼn ex yabʼil, atzunte Tkawbʼil Dios kʼelel tiʼn tkyaqil jlu. O jaw tjyoʼn Dios Tkʼwaʼl, aju Jesús, tuʼn tok te Ajkawil toj Tkawbʼil. Ax ikx o jaw tjyoʼn Dios juntl kʼloj xjal tuʼn kykawin junx tukʼil Jesús. (Uʼjinxa Lucas 11:2 ex 22:28-30.)

Chʼixtl tpon ambʼil tuʼn tkubʼ tnajsaʼn Tkawbʼil Dios kykyaqil qeju in che qʼojin tiʼj toklen Dios tuʼn tkawin. Tuʼntzunju, qa in qo naʼn Dios tiʼj Tkawbʼil Dios, in xi qqanin te Dios tuʼn tul Tkawbʼil te kyxel (kychʼixel) kykawbʼil xjal. (Uʼjinxa Daniel 7:13, 14 ex Apocalipsis 11:15, 18.)

Tbʼanel Kawil te Jesús tuʼnju in tzaj qʼaqʼin tkʼuʼj kyiʼj xjal. Ax ikx at tipumal tuʼn tonin kyiʼj kykyaqil xjal in xi kyqanin onbʼil te Dios tuʼnju Tkʼwaʼl Dios te. (Uʼjinxa Salmo 72:8, 12-14.)

Nimxix kʼiwlabʼil tzul tiʼn Tkawbʼil Dios kye kykyaqil qeju axix tok in xi kyqanin tuʼn tul Tkawbʼil Dios ex in che anqʼin ik tzeʼn tajbʼil Dios. Qa ma xnaqʼtzana tiʼj Tyol Dios tuʼn tel mastl tnikʼa tiʼj Tkawbʼil Dios, mlayx tzaj tbʼisa tuʼn. (Uʼjinxa Lucas 18:16, 17 ex Juan 4:23.)