TBʼI XNAQʼTZBʼIL TOK TIʼJ T-XKʼOMIL: JAKU TZʼOK LAQʼEʼYA TTXLAJ DIOS
Mintiʼ juntl tten qanqʼibʼil mas bʼaʼn twitz jlu
¿Tiʼ jaku bʼant tuʼna tuʼn t-xi laqʼeʼya ttxlaj Dios? Ma qo xnaqʼtzan tiʼj junjun tumel tiʼj alkye tten jaku tzʼok qamiwin qibʼ tukʼil Dios:
-
Tuʼn tok qojtzqiʼn Dios ex tuʼn tajbʼen tbʼi quʼn, aju Jehová.
-
Tuʼn qyolin tukʼil tkyaqil maj aj qnaʼn Dios ex aj tkubʼ qxnaqʼtzaʼn Tuʼjil Tyol, aju Xjan Uʼj.
-
Tuʼn kukx tkubʼ qbʼinchaʼn aju in tzalaj Jehová tiʼj.
Jaku tzʼok laqʼeʼya ttxlaj Dios qa ma tzʼajbʼen tbʼi tuʼna, qa ma yolina tukʼil toj naʼj Dios, qa ma xnaqʼtzana tiʼj Tuʼjil Tyol ex qa ma kubʼ tbʼinchaʼna aju in tzalaj tiʼj
Qa ma ximana kyiʼj qeju tumel lu, ¿jaku txi tqʼamaʼna qa in bʼant jlu tuʼna tuʼn tok laqʼeʼya ttxlaj Dios? ¿Moqa in tnaʼna qa at chʼintl il tiʼj tuʼn tbʼant tuʼna? Ax tok il tiʼj tuʼn tok tilil tuʼna tuʼn tok laqʼeʼya ttxlaj Dios, noqtzun tuʼnj, bʼaʼn tuʼn t-ximana tiʼj alkyeqe kʼiwlabʼil jaku tzaj tkʼamoʼna.
«Alkyexku jun tiʼ jaku bʼant quʼn tuʼn chʼiy qamiwbʼil tukʼil Dios, nimxix toklen», chi Jennifer, te Estados Unidos. Ax ikx tqʼamatl jlu: «Qa ma tzʼok qamiwin qibʼ tukʼil Dios, in tzaj tiʼn nim kʼiwlabʼil: in nok qeʼxix qkʼuʼj tiʼj Dios, in nelxix qnikʼ tiʼj alkyeqe tmod Dios, nya oʼkxju, ax ikx in chʼiy qkʼujlabʼil tiʼj. Mintiʼ juntl tten qanqʼibʼil mas bʼaʼn twitz jlu».
Qa tajbʼila tuʼn tok tamiwin tibʼa tukʼil Dios, jaku che onin testigos de Jehová tiʼja tuʼn tkyaqil kykʼuʼj. Jaku tzʼok tilil kyuʼn tuʼn t-xi kyqʼoʼn xnaqʼtzbʼil teya tiʼj Tyol Dios, ex aju xnaqʼtzbʼil lu noq kukx. Ax ikx jaku pona toj kyxnaqʼtzbʼil tiʼj Tyol Dios aʼyeju in che ok toj jun Ja te Chmabʼil aju niqayin taʼ jatumel najliya. Kyoj chmabʼil lu, jaku tzalaja kyukʼe qeju nim toklen toj kywitz aju kyamiwbʼil tukʼil Dios. * Qa ma bʼant jlu tuʼna, jaku tnaʼya ik tzeʼn tnaʼ jun ajbʼitzil aju tqʼama jlu: «Atzun weye chin xel laqʼeʼye ttxlaj Dios, porque atzun mas bʼaʼn te weye» (Salmo 73:28).
^ taqik' 9 Tuʼn t-xi tqanina jun xnaqʼtzbʼil tiʼj Tyol Dios moqa tuʼn tkanet jun Ja te Chmabʼil tuʼna aju mas nqayin taʼ jatumel najliya, jaku yolina tukʼe xjal xi qʼonte uʼj lu teya, moqa jaku tzʼokxa toj tembʼil te Internet toj www.pr418.com/es. Jyonkuya tjaqʼ txol yol inicio, jatumel in tqʼamaʼn «CONTÁCTENOS».
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
MEETINGS
¿Tiʼ in bʼaj toj jun Ja te Chmabʼil?
Qʼoʼnk twitza kyiʼj qe qtembʼile jatumel in nok qchmoʼn qibʼe ex qʼonk twitza tiʼjju in bʼant quʼne kyoj.
