TBʼI XNAQʼTZBʼIL TOK TIʼJ T-XKʼOMIL: JAKU TZʼOK LAQʼEʼYA TTXLAJ DIOS
¿Ojtzqiʼn ex in najbʼen tbʼi Dios tuʼna?
¿Jaku tzul jun tamiwoya tiʼj tkʼuʼja ex mintiʼ ojtzqiʼn tbʼi tuʼna? Mlaylo. Ax tok aju tqʼama jun xuʼj te Bulgaria Irina tbʼi: «Mlay bʼant tuʼn qok laqʼeʼ ttxlaj Dios qa mintiʼ ojtzqiʼn tbʼi quʼn». In qo tzalaj tuʼnju ik tzeʼn saj qʼamaʼn toj xnaqʼtzbʼil ma kyaj, tajbʼil Dios tuʼn qpon laqʼeʼ ttxlaj. Tuʼntzun aju, toj Xjan Uʼj ax Dios in tzaj qʼamante qe alkye te aj ttzaj tqʼamaʼn jlu: «Aqine Jehová [...] porque atzun nbʼiye» (Isaías 42:8).
Toj Xjan Uʼj ax in tzaj qʼamante qe alkye te aj ttzaj tqʼamaʼn jlu: «Aqine Jehová [...] porque atzun nbʼiye» (Isaías 42:8)
¿Axix tok ilxix tiʼj te Jehová tuʼn tok qojtzqiʼn tbʼi ex tuʼn tajbʼen quʼn moqa nya? Ximana tiʼj jlu: tkuʼx tbʼi Dios toj Xjan Uʼj toj yol hebreo chʼixmi 7,000 maj toj. Mas in kanet tbʼi Dios quʼn toj Xjan Uʼj twitz alkyexku juntl bʼibʼaj. A jlu in tzaj yekʼun qa tajbʼil Jehová tuʼn tok qojtzqiʼn ex tuʼn tajbʼen tbʼi quʼn. *
Chʼixmi tkyaqil maj tuʼn tok kyojtzqiʼn kyibʼ kabʼe xjal, tnejel in xi tzyet tiʼj kybʼi. ¿Ojtzqiʼn tbʼi Dios tuʼna?
At junjun in kynaʼn qa nya bʼaʼn tuʼn tajbʼen tbʼi Dios quʼn tuʼnju xjanxix te Dios ex at nimxix tipumal. Ojtzqiʼn quʼn qa nya bʼaʼn tuʼn tajbʼen tbʼi Dios quʼn qa nya toj tumel ik tzeʼn mintiʼ in najbʼen tbʼi jun qamiw quʼn nya toj tumel. Noqtzun tuʼnj, aʼyeju kʼujlaʼn Jehová kyuʼn tajbʼil Jehová tuʼn tjaw kynimsaʼn tbʼi ex tuʼn t-xi kyqʼamaʼn tbʼi kye xjal (Salmo 69:30, 31; 96:2, 8). Qnaʼntz qa xi t-xnaqʼtzaʼn Jesús kye qeju lepchiqeʼk tiʼj tuʼn kynaʼn Dios kyjalu: «Ay qMan Dios, ate toj kyaʼj, noqit tzʼel kynikyʼxjal qa xjanxixjo tbʼiy». Jaku xjanset tbʼi Dios quʼn aj t-xi qqʼamaʼn tbʼi kye kykyaqil xjal. Qa ma bʼant jlu quʼn qo xel laqʼeʼ ttxlaj (Mateo 6:9, ATM).
In tzaj tyekʼin Xjan Uʼj qa in nokxix tqʼoʼn twiʼ Dios kyiʼj qeju «in che ximan tiʼj» tbʼi (Malaquías 3:16). Kyiʼj qe xjal lu in tzaj ttziyen Jehová jlu kye: «Ok kletel ju okslal wuʼne, [...] tuʼnju ma tzʼel tnikʼ wiʼje [moqa ‹tiʼj nbʼiye›, TNM] ex at tkʼujlalil wiʼje. Ok tkubʼsan nwitze ktzajel nqʼoʼne te aju in tqanin; ex aqine chin tel tukʼil. Ok kletel wuʼne ok ttzaj joybʼil tiʼj» (Salmo 91:14, 15). Ilxix tiʼj tuʼn tok qojtzqiʼn ex tuʼn tajbʼen tbʼi Dios quʼn qa qajbʼil tuʼn qtzalaj tuʼnju at jun tbʼanelxix qamiwbʼil tukʼil.
^ taqik' 4 In tzaj qbʼis tuʼnju toj nimku Tyol Dios o che kubʼ qʼoʼn kyoj txqantl yol, mintiʼ in kanet tbʼi Dios kyoj. In bʼant jlu kyuʼn maske nimku maj in kanet tbʼi Dios toj Xjan Uʼj toj yol hebreo, aju in nok tbʼi kyuʼn xjal Ojtxe Tu’jil. Ex te t-xel tbʼi Dios in kubʼ kyqʼoʼn qe yol «Qajaw» ex «Qman». Qa tajbʼila chʼintl tqanil tiʼj jlu, bʼaʼn tuʼn tkux tjyoʼna t-xaq 195-197 toj uʼj ¿Tiʼ in tzaj t-xnaqʼtzaʼnxix Tyol Dios? aju bʼinchaʼn kyuʼn testigos de Jehová.
Bʼalo ax ikx tgana jlu
AJU XQʼUQIL
¿In yolin teya tukʼil Dios?
In qox yolin te Dios toj naʼj Dios, noqtzun tuʼnj, ¿alkye tten jaku txi qbʼiʼn?
