TBʼI XNAQʼTZBʼIL TOK TIʼJ T-XKʼOMIL: ¿ALKYEQE TESTIGOS DE JEHOVÁ?
¿Tiʼ in kyxnaqʼtzaʼn testigos de Jehová?
Aqoʼye testigos de Jehová in xi qxnaqʼtzane qa «tkyaqil aju tzʼibʼan tuj Tuʼjil, a Dios o qʼmante ex at tajbʼen te xnaqʼtzbʼil qe» (2 Timoteo 3:16). In najbʼen Tyol Dios quʼne tuʼn tel qnikʼe tiʼjju Bʼinchal qe ex tuʼn tel qnikʼe tiʼj tzeʼn jaku qo tzalaje.
In tzaj tqʼamaʼn Tyol Dios jlu: «E tel kynikʼ tiʼj qa oʼkx aya Mambʼaj [‹Jehová›, TNM], ex oʼkx aya Dios Maʼxix Toklen tibʼaj tkyaqil twitz txʼotxʼ» (Salmo 83:18). * Tuʼntzunju, oʼkx in qo kʼuline te Qman Jehová. Nya oʼkxju, ax ikx in nok tilil quʼne tuʼn t-xi qyekʼune kye xjal alkye tbʼi tuʼnju aqoʼye ttestiw (Isaías 43:10-12).
In qo ok lepeʼye tiʼj Jesús ex in xi qokslaʼne qa a Jesús «Tkʼwaʼl Dios», * aju ul twitz Txʼotxʼ ex ok te Mesías (Juan 1:34, 41; 4:25, 26). Tej tkyim Jesús, jaw anqʼin ex meltzʼaj toj kyaʼj (1 Corintios 15:3, 4). Tej tbʼet ambʼil, xi qʼoʼn toklen te aj Kawil toj Tkawbʼil Dios (Apocalipsis 11:15). Aju Kawbʼil lu, jun gobierno aju ya attl ex kʼokel juntl maj Txʼotxʼ tuʼn te jun tbʼanel najbʼil (Daniel 2:44). In tzaj ttziyen Tyol Dios jlu: «Atzun qe xjal mans che okel etzal teju txʼotxʼ, ex puro tuj txubʼtxaj che tel» (Salmo 37:11, 29).
«Aj tkubʼ kyuʼjin Tyol Dios, in tzaj yolinxix Dios kye toj kywitz. Qa ma tzaj jun nya bʼaʼn kyiʼj, in kux kyjyoʼn toj Tyol Dios tiʼ jaku bʼant kyuʼn tuʼn tkyaj nya bʼaʼn toj ttxolil. [...] Itzʼx taʼ Tyol Dios toj kywitz.» (Chi jun pal católico aju Benjamin Cherayath tbʼi, toj periódico Münsterländische Volkszeitung, te Alemania)
Aqoʼye testigos de Jehová in nok qeʼ qkʼuʼje tiʼj qa aju in tzaj tqʼamaʼn Tyol Dios jaku tzʼonin kyiʼj xjal toj ambʼil jaʼlo (Isaías 48:17, 18). Kyjuʼtzun, in nok tilil quʼne tuʼn kyxi qbʼiʼne qeju kawbʼil ateʼkux toj. Jun techel, tuʼnju in tzaj tqʼamaʼn Tyol Dios qa mintiʼ tuʼn tkubʼ qtzʼilsaʼn qxmilal ex qnabʼil, mintiʼ in qo sichʼine ex mintiʼ in bʼaj droga quʼne (2 Corintios 7:1). Ax ikx mintiʼ in kubʼ qbʼinchaʼne aju in tzajxix tqʼamaʼn Tyol Dios qa nya bʼaʼn, ik tzeʼn kʼaj qʼeʼn, yaẍbʼil ex elqʼabʼil (1 Corintios 6:9-11).
^ taqik' 4 Toj jun tqanil t-xeʼ t-xaq uʼj te Éxodo 3:15, toj Aju Xjan Tuʼjil Tyol Dios, in tzaj qʼamaʼn jlu: «Qman. Aju yol Qman, atzun ma tzʼok te t-xel ju yol Jehová. Atzun jun tbʼi Dios in ajbʼen tuj yol ebrey tuj Ojtxi Tuʼjil».
^ taqik' 5 Ax ikx in tzaj tqʼamaʼn Tyol Dios qa a Jesús «oʼkxku jun Tkʼwaʼl Dios» tuʼnju, twitz tkyaqil tbʼinchbʼen Jehová, oʼkx te aku Jehová kubʼ bʼinchante. Ax ikx a tnejel kubʼ bʼinchaʼn tuʼn Jehová (Juan 3:18; Colosenses 1:13-15).
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tiʼ in xi kynimen testigos de Jehová?
Qʼonka twitza tiʼjju in tzaj chikʼbʼaʼn tiʼj 15 xnaqʼtzbʼil nim toklen nimen kyuʼn testigos de Jehová.
AʼYEJU XJEL MAS IN CHE TZAJ QANIN
¿Qʼuqlixixpe kykʼuʼj testigo de Jehová qa ateʼkx toj axix tok okslabʼil?
¿Kyajpe tqʼamaʼn Jesús qa at nim bʼe jaku qox tiʼn toj chwinqlal?
QE XNAQʼTZBʼIL NIM KYOKLEN TOJ TYOL DIOS
¿Atpe tbʼi Dios?
At nim título in xi qʼamet tiʼj Dios, ik tzeʼn At Tipumal, Bʼinchal tkyaqil ex Qajaw. Noqtzun tuʼnj, in kanet junlo 7,000 maj tbʼi Dios toj Xjan Uʼj.
