¿Tiʼ teya jaku tzaj ttzaqʼweʼn?

• Ikju

• Miʼn

• Bʼalo

Aju in tzaj tqʼamaʼn Tyol Dios

«Tuj mankbʼil tqʼijlalil tzul nim yajbʼil» (2 Timoteo 3:1). Aʼyeju yol e kyaj qʼamaʼn toj Tyol Dios ex tkyaqilju in bʼaj toj ambʼil jaʼlo in tzaj kyyekʼun qa in qo anqʼin ‹kyoj bʼajsbʼil qʼij›.

¿Tiʼ mastl in tzaj tqʼamaʼn Tyol Dios?

• Toj bʼajsbʼil, moqa mankbʼil tqʼijlalil kteltoq qʼoj, weʼyaj, kyaqnajnabʼ ex txʼuʼj yabʼil (Mateo 24:3, 7; Lucas 21:11).

• Kyoj bʼajsbʼil qʼij kteltoq jun nya bʼaʼn kyamiwbʼil xjal tukʼil Dios (2 Timoteo 3:2-5).

Aju in kubʼ kyximen junjun xjal Qa chʼixtoq kykubʼ bʼaj bʼajsbʼil qʼij ok kbʼel najsaʼn Txʼotxʼ ex qeju najli qeʼ twitz. Ateʼ junjuntl in kyqʼamaʼn qa mas bʼaʼn qo tel. ¿Tiʼ teya t-ximbʼetz tiʼj?

Aju in tzaj tqʼamaʼn Tyol Dios

«Qe xjal bʼaʼn ok che etzal tiʼj ju txʼotxʼ, ex ax che tel tuj te jumajx» (Salmo 37:29).

¿Tiʼ mastl in tzaj tqʼamaʼn Tyol Dios?

• Chʼixtoq kykubʼ bʼaj bʼajsbʼil qʼij kʼelel qʼiʼn tkyaqil nya bʼaʼn (1 Juan 2:17).

• Kʼokel Txʼotxʼ te jun tbʼanel najbʼil (Isaías 35:1, 6).