Junjun xjel in tzaj ttzaqʼweʼn Tyol Dios
¿Tkyaqilpe naʼj Dios in che tzaj tbʼiʼn Dios?
TZEʼN TOJ TWITZA, ¿ALKYEQE NAʼJ DIOS IN CHE TZAJ TBʼIʼN DIOS?
Kykyaqil
Noq junjun
Ni jun
¿TIʼ IN TZAJ TQʼAMAʼN TYOL DIOS?
«Niqayin taʼ Qman kyiʼj qeju in che kubʼsan twitz, aqeju axix tok kyuʼn» (Salmo 145:18).
¿TIʼ MASTL IN TZAJ TQʼAMAʼN TYOL DIOS?
Qa at jun xjal in kubʼ t-ximen tuʼn miʼn tbʼin te Dios, mintiʼ in tzaj tbʼiʼn Dios tnaʼj Dios (Isaías 1:15). Noqtzun tuʼnj, jaku ten jun tbʼanel tamiwbʼil tukʼil Dios qa ma kubʼ tchʼixpuʼn tmod (Isaías 1:18).
Tuʼn ttzaj ttzaqʼweʼn Dios qnaʼj Dios, il tiʼj tuʼn t-xi qqanin te aju at toklen tukʼilju tajbʼil, ik tzeʼn in kanet quʼn toj Tyol (1 Juan 5:14).
¿Atpe jun tten tuʼn qkubʼ ten naʼl Dios?
ATEʼ JUNJUN XJAL IN KUBʼ KYXIMEN qa aj qnaʼn Dios il tiʼj tuʼn qkubʼ ẍmejeʼ, tuʼn qkubʼ mokʼeʼ ex tuʼn kyok qmojbʼaʼn qqʼobʼ. Yajtzun teya ¿tiʼ t-ximbʼetza tiʼj?
¿TIʼ IN TZAJ TQʼAMAʼN TYOL DIOS?
O che tzaj tbʼiʼn Dios qe xjal e ok ten naʼl Dios tej waʼl qe, qʼuqle qe, ẍmejli qe, moqa kuʼpun takl kywitz tibʼaj txʼotxʼ (1 Crónicas 17:16 TNM; 2 Crónicas 30:27; Esdras 10:1; Hechos 9:40). Mintiʼ in tzaj tqanin qe qa il tiʼj tuʼn qnaʼn Dios toj jun tten.
¿TIʼ MASTL IN TZAJ TQʼAMAʼN TYOL DIOS?
In che tzaj tbʼiʼn Dios qe xjal mans (Salmo 138:6).
Jaku qo naʼn Dios tukʼil nya nim tqʼajqʼojil qwiʼ ex toj alkyexku yol (2 Crónicas 6:32, 33; Nehemías 2:1-6).
