¿Tiʼ in tzaj tqʼamaʼn Tyol Dios?
¿Jakupe tzʼonin Tyol Dios qiʼj aj ttzaj bʼaj qkʼuʼj?
¿Tiʼ teya jaku tzaj ttzaqʼweʼn?
Jaku
Mlay
Bʼalo
Aju in tzaj tqʼamaʼn Tyol Dios
«Tkyaqilju in bʼaj kykʼuʼje tiʼj, kyqʼonxe tuj tkwent Dios, porque ate Dios kwentil kyeye» (1 Pedro 5:7). In tzaj tqʼamaʼn Xjan Uʼj qa jaku tzʼonin Dios qiʼj aj ttzaj bʼaj qkʼuʼj.
¿Tiʼ mastl in tzaj tqʼamaʼn Tyol Dios?
Tuʼn tonbʼil naʼj Dios kqebʼil qkʼuʼj «tuʼn Dios», aju in nonin qiʼj tuʼn qex twitz bʼis (Filipenses 4:6, 7).
Ax ikx, qa ma jaw quʼjin Tyol Dios jaku tzʼonin qiʼj tuʼn miʼn tkubʼxix qnaʼn siktlen (Mateo 11:28-30).
¿Kpolpe jun qʼij jatumel miʼn tzaj bʼajtl qkʼuʼj?
Aju in kubʼ kyximen junjun xjal At junjun in kubʼ kyximen qa aju tuʼn ttzaj bʼaj qkʼuʼj ex tuʼn tkubʼ qnaʼn siktlen at toklen tukʼil qchwinqlal. Ex junjuntl in kubʼ kyximen qa miʼn tzaj bʼajtl qkʼuʼj aj qten toj juntl qchwinqlal. ¿Tiʼ teya t-ximbʼetz tiʼj?
Aju in tzaj tqʼamaʼn Tyol Dios
Kʼelel tiʼn Dios tkyaqilju in tzaj bʼaj qkʼuʼj tuʼn. «Mintiʼtl kamik, ex mintiʼtl bʼis, ex mintiʼtl oqʼel, ex mintiʼtl kʼixkʼoj» (Apocalipsis 21:4).
¿Tiʼ mastl in tzaj tqʼamaʼn Tyol Dios?
Aj tkawin Tkawbʼil Dios tibʼaj Txʼotxʼ, qo anqʼil toj tzalajbʼil ex mujbʼabʼil (Isaías 32:18).
Ya miʼn tzaj qnaʼntl aju in tzaj bʼaj qkʼuʼj tuʼn jaʼlo ex aju siktlen (Isaías 65:17).