XNAQʼTZBʼIL 5
Aqeju mod in kubʼ qyekʼin aj qxiʼ kyoj chmabʼil
«In kyyekʼune, [moqa in che yoline] tiʼj tkyimlen Qajaw; maxi kxel kykoline okxi tul» (1 COR. 11:26).
BʼITZ 18 Chjonte tuʼn chojbʼil
AJU KʼELEL QNIKʼ TIʼJ *
1, 2. a) ¿Tiʼ in nok tqʼoʼn Jehová twitz tiʼj aj in che pon nim millón xjal toj Wabʼj te Qale te Jesús? (Qʼonka twitza tiʼj tilbʼilal tok tiʼj t-xkʼomil). b) ¿Tiʼ qo xnaqʼtzal tiʼj toj xnaqʼtzbʼil lu?
¿TIʼ IN nok tqʼoʼn Jehová twitz tiʼj aj in nok kychmon kyibʼ nim millón xjal twitz tkyaqil Txʼotxʼ toj Wabʼj te Qale te Jesús? Nya oʼkx in nok tqʼoʼn twitz kyiʼj nim xjal in che pon, sino in nok tkeʼyin teyele junjun xjal. Jun techel, in nok tqʼoʼn twitz tiʼj alkyeqe in che pon tkyaqil abʼqʼi, kyxol qe jlu ateʼ qeju in che el ikʼun. Atzun junjuntl, mintiʼ in bʼant tuʼn kypon tkyaqil seman kyoj chmabʼil, pero in kubʼ kyximen qa il tiʼj tuʼn kyxiʼ toj Nabʼitz Tkyimlen Jesucristo. Ax ikx in nok tkeʼyin Jehová qeju in che pon tnejel maj, maske oʼkx kyaj tuʼn tel kynikʼ tiʼj tiʼ in bʼaj.
2 Jaku txi qqʼamaʼn qa in tzalaj Jehová kyiʼj nim xjal in che pon toj Nabʼitz Tkyimlen Jesucristo (Luc. 22:19). Pero nya oʼkx in ximen tiʼj jteʼ kybʼet xjal in che pon, sino atz in ximen tiʼj tiquʼn in che pon. Toj xnaqʼtzbʼil lu, qo xnaqʼtzal tiʼj jun xjel nim toklen: ¿Tiquʼn nya oʼkx in qoʼx toj Wabʼj te Qale te Jesús, sino ax ikx in qoʼx kyoj chmabʼil in bʼaj tbʼinchaʼn Jehová tkyaqil seman kye qeju in nok kykʼujlaʼn te? Qo xnaqʼtzan tiʼj alkyeqe mod in che onin qiʼj tuʼn qxiʼ kyoj chmabʼil.
Ma tzʼok tchmon tibʼ jun kʼloj okslal toj Wabʼj te Qale te Jesús ex in xi kyqʼamaʼn bʼaʼn kyulene kye txqantl, ex ax jlu in bʼant twitz tkyaqil Txʼotxʼ. (Qʼonka twitza tiʼj taqikʼ 1-2).
IN QOʼX KYOJ CHMABʼIL TUʼNJU IN KUBʼ QIN QIBʼ
3, 4. a) ¿Tiquʼn in qoʼx kyoj chmabʼil? b) ¿Alkye mod in kubʼ qyekʼin aj qxiʼ kyoj chmabʼil? c) Ik tzeʼn in tzaj tyekʼin 1 Corintios 11:23 a 26, ¿tiquʼn nim toklen tuʼn qpon toj Nabʼitz Tkyimlen Jesucristo?
3 In qoʼx kyoj chmabʼil tuʼnju atzun jun tten tuʼn qkʼulin te Jehová. Ax ikx in qoʼx tuʼnju in qo tzaj t-xnaqʼtzaʼn Jehová kyoj. Aqeju xjal in jaw kynimsan kyibʼ in kubʼ 3 Juan 9). Atzun qe, qaj tuʼn qtzaj xnaqʼtzaʼn tuʼn Jehová ex tuʼn ttnam (Is. 30:20; Juan 6:45).
kyximen qa mlayx txi qʼoʼn jun xnaqʼtzbʼil kye tuʼn juntl (4 Aj qxiʼ kyoj chmabʼil, in kubʼ qyekʼin qa in kubʼ qin qibʼ tuʼnju in xi qqʼoʼn ambʼil te Jehová tuʼn qtzaj t-xnaqʼtzaʼn. Mintiʼ in qoʼx toj Nabʼitz Tkyimlen Jesucristo noq tuʼnju il tiʼj tuʼn qxiʼ, sino in qoʼx tuʼnju in kubʼ qin qibʼ ex tuʼnju in xi qbʼiʼn kawbʼil lu, aju tqʼama Jesús: «Kybʼinchame jlu te nabʼl weye» (kjawil uʼjit 1 Corintios 11:23-26). In chʼiy qʼuqbʼil qkʼuʼj tuʼn chmabʼil lu ex in tzaj tnaʼn qe jniʼ tkʼujlabʼil Jehová at qiʼj. Pero ojtzqiʼn tuʼn Jehová qa mlay chewix ex mlay qʼuqbʼet qkʼuʼj noq tuʼn jun chmabʼil toj abʼqʼi. Tuʼntzunju, in bʼaj tbʼinchaʼn qe chmabʼil in che ok tkyaqil seman ex in tzaj tqʼamaʼn qe tuʼn qxiʼ kyoj. Qa mintiʼ in jaw qnimsan qibʼ, kʼonil qiʼj tuʼn t-xi qbʼiʼn aju in tzaj qʼamaʼn qe. In nel qpaʼn nim or toj jun seman tuʼn tbʼaj qbʼinchaʼn qten ex tuʼn qxiʼ kyoj.
5. ¿Tiquʼn in xi kykʼamoʼn xjal mintiʼ in jaw kynimsan kyibʼ aju txokbʼil in xi tqʼoʼn Jehová kyiʼj?
5 Aqeju xjal in kubʼ kyin kyibʼ, tkyaqil abʼqʼi in xi kykʼamoʼn txokbʼil in xi tqʼoʼn Jehová kyiʼj tuʼntzun tel kynikʼ tiʼj (Is. 50:4). Chʼixmi tkyaqil maj, tnejel in che pon toj Nabʼitz Tkyimlen Jesucristo ex yajxitl in xi tzyet tuʼn kypon tkyaqil seman (Zac. 8:20-23). Junx in qo tzalaj kyukʼil akʼaj t-xnaqʼtzbʼen Jesús aj in tzaj tyekʼin Jehová qbʼe ex aj ttzaj tqʼoʼn xnaqʼtzbʼil qe. In nonin Jehová qiʼj ex in qo ktel tuʼn (Sal. 40:17). Mintiʼ juntl tiʼ mas nim toklen ik tzeʼn tuʼn ttzaj qkʼamoʼn txokbʼil tuʼn qxiʼ kyoj chmabʼil tuʼntzun qtzaj t-xnaqʼtzaʼn Jehová ex Jesús, aju Tkʼwaʼl kʼujlaʼnxix tuʼn (Mat. 17:5; 18:20; 28:20).
6. Tuʼnju mintiʼ jaw tnimsan tibʼ jun xjal ¿alkye tten onin tiʼj tuʼn tpon toj Nabʼitz Tkyimlen Jesucristo?
6 Kykyaqil abʼqʼi in nok tilil quʼn tuʼn t-xi qqʼoʼn txokbʼil kyiʼj nim xjal tuʼn kyul toj Nabʼitz Tkyimlen Jesucristo. O tzʼonin jlu kyiʼj nim xjal in kubʼ kyin kyibʼ. Qo xnaqʼtzan tiʼj jun techel. Ma tzikʼ nim abʼqʼi, xi tqʼoʼn jun ermano jun txokbʼil te jun xjal, atzunte xjal tqʼama qa mlaytoq bʼant tuʼn tpon. Tejtzun tok Nabʼitz Tkyimlen Jesucristo, noq jaw labʼin ermano tej tokx xjal toj Ja te Chmabʼil. Atzunte xjal jaw tzalaj tiʼjju kymod erman kubʼ kyyekʼin tukʼil tej tpon ex xi tzyet tuʼn tbʼet kyoj kykyaqil chmabʼil. Noq oxe maj mintiʼ bʼant tuʼn tpon kyoj chmabʼil toj jun abʼqʼi. ¿Tiʼ onin tiʼj tuʼn tpon? Aju ermano xi qʼonte txokbʼil te, tqʼamatl jlu: «Aju xjal lu, mintiʼ in jaw tnimsan tibʼ». Tuʼn jlu in nel qnikʼ tiʼj qa a Jehová tzaj qʼinte tuʼntzun tten kyxol erman. Atzun jaʼlo, ya in najbʼen te Jehová (2 Sam. 22:28; Juan 6:44).
7. Aju in nel qnikʼ tiʼj kyoj chmabʼil ex aju in jaw quʼjin toj Xjan Uʼj, ¿alkye tten in nonin qiʼj tuʼn tkubʼ qin qibʼ?
7 Aju in nel qnikʼ tiʼj kyoj chmabʼil ex aju in jaw quʼjin toj Xjan Uʼj, in nonin qiʼj tuʼn tkubʼ qin qibʼ. Kyoj seman naʼmxtoq tok Nabʼitz Tkyimlen Jesucristo, mas in che yolin chmabʼil tiʼj techel kyaj tqʼoʼn Jesús ex tiʼjju tej tkubʼ tin tibʼ tuʼnju xi tqʼoʼn tchwinqlal qiʼj. Ex kyoj qʼij chʼixtoq tok Nabʼitz Tkyimlen Jesucristo, in tzaj qʼamaʼn qe tuʼn tjaw quʼjin qe txʼolbʼabʼil tkuʼx toj Tyol Dios, aqeju in che yolin tiʼj tkyimlen Jesús ex tiʼjju tej tjaw anqʼin. Tkyaqil jlu in nonin qiʼj tuʼn t-xi qqʼoʼn nim chjonte tiʼj chojbʼil. Aju in tzaj tuʼn jlu, qaj tuʼn tel qkanoʼn tiʼj Jesús tej mintiʼ jaw tnimsan tibʼ ex tuʼn tkubʼ qbʼinchaʼn tajbʼil Jehová, axpe ikx kyoj ambʼil kwest (Luc. 22:41, 42).
QA MINTIʼ IN QO XOBʼ, IN NONIN QIʼJ TUʼN QXIʼ KYOJ CHMABʼIL
8. ¿Alkye tten kubʼ tyekʼin Jesús qa mintiʼ tzaj xobʼ?
8 Ax ikx qaj tuʼn tel qkanoʼn tiʼj Jesús tej mintiʼ tzaj xobʼ. Qo ximen tiʼj tzeʼn kubʼ tyekʼin qa mintiʼ tzaj xobʼ kyoj qʼij tej chʼixtoq tkyim. Ojtzqiʼntoq tuʼn qa kbʼeltoq qʼoʼn tchʼixwi kyuʼn aj qʼoj, qa tuʼn tok asyalin ex tuʼn tkubʼ bʼyoʼn (Mat. 20:17-19). Maske ikju, xi tqʼon tibʼ tuʼn tkyim. Tej ateʼtoq toj jardín te Getsemaní, otoq pon ambʼil tuʼn tkyim ex xi tqʼamaʼn kye t-apóstol: «Che weʼktze, qoʼqe; kykeʼyinxe, ma tzul laqʼeʼ aju kxel qʼonte weye tuj kyqʼabʼ xjal» (Mat. 26:36, 46). Ex tej kypon jun kʼloj xjal tukʼil kyspad tuʼn ttzyet Jesús kyuʼn, xi laqʼeʼ Jesús ex xi tqʼamaʼn kye alkye te, ax ikx xi tqʼamaʼn kye soldad tuʼn t-xi kyqʼoʼn ambʼil kye apóstol tuʼn kyikʼ bʼet (Juan 18:3-8). Tuʼn jlu kubʼ tyekʼin qa mintiʼ tzaj xobʼ. Toj ambʼil jaʼlo, in nel kykanoʼn skʼoʼn maj ex qe txqantl tmajen Jehová tiʼj Jesús tej mintiʼ tzaj xobʼ. ¿Tzeʼn in bʼant kyuʼn?
Tuʼnju mintiʼ in qo tzaj xobʼ tuʼn qxiʼ kyoj chmabʼil, in nonin jlu kyiʼj txqantl erman tuʼn tten kyipumal. (Qʼonka twitza tiʼj taqikʼ 9). *
9. a) ¿Tiquʼn il-lo tiʼj tuʼn miʼn qtzaj xobʼ tuʼn qxiʼ kyoj kykyaqil chmabʼil? b) Aj tok tilil quʼn tuʼn qajbʼen te Jehová, ¿alkye tten in nonin jlu kyiʼj erman ateʼ pres?
9 Atlo maj kwest tuʼn qxiʼ kyoj kykyaqil chmabʼil kyuʼn junjun tiʼchaq. Qa ikju, il-lo tiʼj tuʼn miʼn qtzaj xobʼ. Ateʼ junjun erman at yabʼil kyiʼj, in che bʼisun ex in tzaj bʼaj kykʼuʼj. Atzun junjun in che el ikʼun kyuʼn toj kyja moqa kyuʼn aj kawil. Qo ximen jun rat kyiʼj erman presin ateʼ noq tuʼnju nimen kyuʼn. ¿Ope qo ximen tiʼj qa in nonin kyiʼj aju techel in kubʼ qqʼoʼn? (Heb. 13:3). Aj tok kybʼiʼn qa kukx in qo bʼet kyoj chmabʼil maske in che tzaj nya bʼaʼn qiʼj, tuʼn jlu in tten mas qʼuqbʼil kykʼuʼj, kyipumal ex kyaj tuʼn kyten tzʼaqli twitz Jehová. Atzun jlu bʼaj tiʼj apóstol Pablo. Tej presintoq taʼ toj tnam Roma, tkyaqil maj jaw tzalaj tej tok tbʼiʼn qa kukx e ajbʼen erman te Jehová (Filip. 1:3-5, 12-14). Tej chʼixtoq tetz tzaqpiʼn moqa noq oʼkx tej tetz tzaqpiʼn, xi ttzʼibʼin jun uʼj kye okslal aj Hebreo. Toj uʼj lu, xi tqʼamaʼn kye erman kukx in che ajbʼen te Jehová tuʼn miʼn tkyaj kytzaqpiʼn tuʼn tok kychmon kyibʼ ex tqʼama: «Kukx tuʼn tten kykʼujlalile kyxolxe porke kyerman kyibʼe» (Heb. 10:24, 25; 13:1).
10, 11. a) ¿Alkyeqe in che tzaj qtxkoʼn tuʼn kypon toj Nabʼitz Tkyimlen Jesucristo? b) Ik tzeʼn in tzaj tqʼamaʼn Efesios 1:7, ¿tiquʼn kbʼantel jlu quʼn?
10 Ax ikx in kubʼ qyekʼin qa mintiʼ in qo xobʼ aj t-xi qqʼoʼn txokbʼil kyiʼj toj qja, kyiʼj qukʼil toj aqʼuntl ex kyiʼj qvecin tuʼn kypon toj Nabʼitz Tkyimlen Jesucristo. ¿Tiquʼn in bʼant jlu quʼn? Tuʼnju in xi qqʼoʼn nim chjonte te Jehová ex Jesús tiʼjju o bʼant kyuʼn qiʼj. Nya oʼkxju, ax ikx qaj tuʼn tel kynikʼ xjal tiʼj alkye tten jaku tzʼonin «t-xtalbʼil» Jehová kyiʼj noq tuʼn chojbʼil (kjawil uʼjit Efesios 1:7; Apoc. 22:17).
11 Aj qxiʼ kyoj chmabʼil, ax ikx in kubʼ qyekʼin juntl tbʼanel qmod, ex o kubʼ tyekʼin Jehová ex Jesús aju mod lu toj nimku tten.
IN NONIN KʼUJLABʼIL QIʼJ TUʼN QXIʼ KYOJ CHMABʼIL
12. a) ¿Tiquʼn in che onin chmabʼil qiʼj tuʼn tchʼiy qkʼujlabʼil tiʼj Jehová ex Jesús? b) Ik tzeʼn in tzaj tqʼamaʼn 2 Corintios 5:14 ex 15, ¿alkye tten jaku tzʼel qkanoʼn tiʼj Jesús?
12 In nonin qkʼujlabʼil at tiʼj Jehová ex tiʼj Jesús tuʼn qxiʼ kyoj chmabʼil, atzun kye chmabʼil in che onin tuʼn tchʼiy qkʼujlabʼil kyiʼj. ¿Tiquʼn? Tuʼnju nim maj in tzaj naʼn qe kyoj chmabʼil aju o bʼant tuʼn Jehová ex Jesús qiʼj (Rom. 5:8). Atzunte Nabʼitz Tkyimlen Jesucristo in tzaj tnaʼn qe qa ten nim tkʼujlabʼil Jehová qiʼj, axpe ikx kyiʼj qeju naʼmx tok kyqʼoʼn toklen chojbʼil. Tuʼn jlu qaj tuʼn t-xi qqʼoʼn chjonte ex tuʼntzunju in nok tilil quʼn tuʼn tel qkanoʼn tiʼj Jesús tkyaqil qʼij (kjawil uʼjit 2 Corintios 5:14, 15). Ax ikx, in tzaj tqʼamaʼn qnabʼil tuʼn tjaw qnimsaʼn Jehová tuʼnju tzaj tqʼoʼn Tkʼwaʼl qiʼj. Jun tten tuʼn tbʼant jlu quʼn, aju qa ma txi qqʼoʼn jun qyol tuʼn tkyaqil qkʼuʼj kyoj chmabʼil.
13. Qʼamantza alkye tten jaku kubʼ qyekʼin nim qkʼujlabʼil tiʼj Jehová ex tiʼj Jesús.
13 Aj tok tilil quʼn tuʼn tbʼant junjun tiʼchaq quʼn tiʼj Jehová ex Jesús, tuʼn jlu in kubʼ qyekʼin qa at nim qkʼujlabʼil kyiʼj. At maj il tiʼj tuʼn tok tilil quʼn tuʼn qxiʼ kyoj chmabʼil. Jun techel, ateʼ kʼloj okslal in nok kychmon kyibʼ t-xol seman tzmaxi aj tkubʼ ambʼil tuʼn qaqʼunan ex bʼalo otoq qo sikt. Atzun chmabʼil in nok aj tkubʼ bʼaj seman, in che ok akux in che ajlan xjal. ¿In nokpe tqʼoʼn Jehová twitz tiʼj qa in qo pon kyoj chmabʼil maske otoq qo sikt? In nok tqʼoʼn twitz tiʼj. Ex mas in nok tkeʼyin Jehová aju qkʼujlabʼil at tiʼj qa in nok tilil quʼn tuʼn qpon (Mar. 12:41-44).
14. ¿Alkye tbʼanel techel kyaj tqʼoʼn Jesús qwitz?
14 A Jesús kyaj qʼonte tbʼanel techel qwitz tiʼjju tiʼ t-xilen tuʼn tbʼant junjun tiʼchaq quʼn kyiʼj txqantl noq tuʼnju at qkʼujlabʼil. Nya oʼkx kubʼ tyekʼin tkʼujlabʼil tej t-xi tqʼoʼn tchwinqlal kyiʼj t-xnaqʼtzbʼen, sino kubʼ tyekʼin tkyaqil maj ik tzeʼn tej tok tchmon tibʼ kyukʼil maske otoq sikt ex in bʼajtoq tkʼuʼj (Luc. 22:39-46). Atz ximen tiʼj tiʼ jakutoq txi tqʼoʼn kye txqantl ex nya tiʼjju jakutoq txi kyqʼoʼn te (Mat. 20:28). Qa ma ten nim qkʼujlabʼil kyiʼj erman ik tzeʼn te Jesús, kbʼantel alkyexku tiʼ quʼn tuʼn qxiʼ toj Nabʼitz Tkyimlen Jesucristo ex kyoj kykyaqil chmabʼil.
15. ¿Alkyeqe tnejel qaj tuʼn qonin kyiʼj?
Gál. 6:10). In kubʼ qyekʼin qkʼujlabʼil kyiʼj aj t-xi qqʼamaʼn kye tuʼn kyul kyoj kykyaqil chmabʼil, mas tojju qʼij te Nabʼitz Tkyimlen Jesucristo. In qo tzalaj junx tukʼil Qman Jehová ex tukʼil Jesús aj tmeltzʼaj jun erman otoq chewix toj tokslabʼil (Mat. 18:14).
15 Ateʼ axix tok qerman twitz tkyaqil Txʼotxʼ ex mlay kanet jlu quʼn toj juntl lugar. Tuʼntzunju, qaj tuʼn t-xi qqʼoʼn txokbʼil kyiʼj xjal tuʼn kyoktz toj tnam lu. Noqtzun tuʼnj, qaj tuʼn qonin tnejel kyiʼj «erman» o che chewix toj kyokslabʼil (16. a) ¿Alqiʼj bʼaʼn tuʼn tbʼaj qonin qibʼ ex alkye tten jaku che onin chmabʼil qiʼj? b) ¿Tiquʼn tbʼanel tuʼn ttzaj qnaʼn qe tyol Jesús tkuʼx toj Juan 3:16 toj ambʼil lu?
16 Kyoj seman che ul, kxel qqʼoʼn txokbʼil kyiʼj nim xjal tuʼn kyul qukʼil toj Nabʼitz Tkyimlen Jesucristo, aju kʼokel toj viernes 19 te abril te 2019. (Qʼonka twitza tiʼj recuadro « ¿Kxelpe qqʼoʼn txokbʼil kyiʼj txqantl xjal?»). Akux in nex abʼqʼi, bʼaʼn tuʼn tbʼaj qonin qibʼ tuʼn qpon kyoj kykyaqil chmabʼil. Ya chʼix tul xitbʼil, tuʼntzunju, nim toklen tuʼn qxiʼ kyoj chmabʼil tuʼnju in che onin qiʼj tuʼn kukx tkubʼ qin qibʼ, tuʼn miʼn qtzaj xobʼ ex tuʼn kukx tten qkʼujlabʼil (1 Tes. 5:8-11). Qyekʼinx te Jehová ex te Jesús qa nim toklen toj qwitz aju kykʼujlabʼil in kubʼ kyyekʼin qiʼj (kjawil uʼjit Juan 3:16).
BʼITZ 126 Kukx qo xqʼuqin, qo weʼxix ex qo ten kyuw
^ taqik' 5 Nim toklen Nabʼitz Tkyimlen Jesucristo, aju kʼokel toj qonikʼen toj qʼij viernes 19 te abril te 2019, ex atzun chmabʼil lu mas nim toklen in nok toj abʼqʼi. ¿Tiquʼn qo xeʼl toj chmabʼil lu, aju nim toklen? Tuʼnju qaj tuʼn ttzalaj Jehová quʼn. Toj xnaqʼtzbʼil lu kʼelel qnikʼ tiʼj alkyeqe mod in kubʼ qyekʼin aj qxiʼ toj Nabʼitz Tkyimlen Jesucristo ex kyoj chmabʼil in che ok t-xol seman.
^ taqik' 52 TQANIL KYIʼJ TILBʼILAL: In nuʼjin jun ermano at toj cárcel tiʼj jun uʼj ma pon samaʼn te kyuʼn toj tja ex in xi qʼuqbʼaʼn tkʼuʼj tuʼn jlu. In jaw tzalaj tuʼnju in nel tnikʼ tiʼj qa kukx in tzaj kynaʼn ex tuʼnju ax ikx kye kukx in nok tilil kyuʼn tuʼn kyajbʼen te Jehová maske in che ok weʼ twitz nya bʼaʼn jatumel in che anqʼin.