Aj tjaw quʼjin Biblia, tbʼanel tuʼn qjyon mas tqanil tuʼn tel qnikʼ tiʼj. Pero mintiʼ tuʼn tbʼant jlu quʼn noq tuʼn tten mas qojtzqibʼil tiʼj Tyol Dios. Sino qaj tuʼn tel mas qnikʼ kyiʼj tbʼanel tmod Jehová tuʼntzun tchʼiy qkʼujlabʼil tiʼj. Tuʼn tbʼant jlu quʼn, bʼaʼn tuʼn tkubʼ qxjelin: «¿Tiʼ xnaqʼtzbʼil jaku tzʼel wiʼne tiʼj Jehová toj txʼolbʼabʼil lu?».

Jun techel, jaku tzʼok tilil tuʼna tuʼn tjyona mas tqanil tiʼj tzeʼn o kubʼ tyekʼin Jehová tkʼujlabʼil, tnabʼil, tipumal ex qa tzʼaqli. Pero nya oʼkx qe tmod Jehová jlu at, sino ateʼ txqantl. ¿Jatumel jaku kanet tqanil tuʼna kyiʼj tmod lu?

Jaku kanet jun lista tuʼna kyiʼj mas te 50 tmod Jehová toj Índice de las publicaciones Watch Tower. Jaku tzʼokxa jatumel in tzaj tqʼamaʼn «Jehová» ex yajxitl jatumel in tzaj qʼamaʼn «Cualidades por nombre». Ximana tiʼj alkye tmod Jehová at toklen tukʼilju in jaw tuʼjina toj Biblia ex jyonxa jun xnaqʼtzbʼil at toklen tukʼil. (Qa oʼkx jaku bʼant tuʼn tajbʼen uʼj Onbʼil tuʼn kyxnaqʼtzan testigos de Jehová tuʼna, jaku txiʼya jatumel in tzaj tqʼamaʼn «Jehová» ex yajxitl «Aʼyeju tmod Jehová»).