Toj jun qʼij, ok tqʼoʼn twitz jun ermana te Nueva Zelanda tiʼj video Preocupémonos unos por otros. In yolin video lu tiʼj qa nya oʼkx at qʼaqʼbʼil tkʼuʼj Jehová, sino ax ikx in jyon tumel tuʼn t-xi tyekʼin (Is. 63:​7-9). Tejtzun tbʼaj tkeʼyin video, kubʼ t-ximen tuʼn t-xi tjyoʼn tumel tzeʼn tuʼn tonin tiʼj jun xjal. Tojx qʼij aju ex loqʼel junjun tiʼchaq ex ok tkeʼyin jun xuʼj mebʼa. Xi tqʼamaʼn te tuʼn ttzaj tlaqʼoʼn twa ex bʼaʼn ela toj twitz xuʼj. Tejtzun tmeltzʼaj ermana tukʼil wabʼj, pakbʼan te xuʼj ex yolin tukʼil tiʼj tratado ¿Kpolpetzele jun qʼij jatumel miʼn tzajtl yajbʼil qiʼj?

Jaw oqʼ xuʼj tej tok tbʼiʼn tqanil. Xi tqʼamaʼn te ermana qa otoq jaw chʼiy toj axix tok. Noqtzun tuʼnj, otoq tzikʼ nim ambʼil tel-len tpan tibʼ tiʼj ttnam Jehová. Ax ikx, tqʼama qa otoq txi tqanin te Jehová tuʼn tonin tiʼj tuʼn tmeltzʼaj. Tuʼntzunju, xi tqʼoʼn ermana jun Biblia te ex kyaj bʼant tiʼj kyuʼn tuʼn t-xi tzyet t-xnaqʼtzan. a

Ax ikx qe jaku txi qyekʼin qʼaqʼbʼil qkʼuʼj kyiʼj xjal ik tzeʼn te Jehová, kyxol qe jlu ateʼ qe toj qja ex qe erman toj congregación. Juntl tumel tuʼn tkubʼ qyekʼin mod lu, aju qa ma qo pakbʼan kye xjal toj alkyexku ambʼil.