JUNJUN NABʼIL TUʼN QXNAQʼTZAN
Junjun nabʼil tuʼn qxnaqʼtzan qjunalx ex kyukʼil toj qja
In jaw qnimsaʼn Jehová junx kyukʼil nim erman kyoj chmabʼil ex kyoj asamblea. Pero ax ikx in bʼant quʼn qjunalx ex kyukʼil toj qja. Ktzajel qʼamaʼn junjun nabʼil tzalu tuʼn qxnaqʼtzan qjunalx moqa kyukʼil toj qja:
-
Jaku qo xnaqʼtzan tiʼjju kbʼel xnaqʼtzet toj chmabʼil. Ax ikx, jaku qo xnaqʼtzan junx kyiʼj bʼitz ex kyiʼj qcomentario kxel qqʼoʼn toj chmabʼil.
-
Jaku jaw quʼjin jun txʼolbʼabʼil toj Biblia. Yajxitl, jaku kubʼ qdibujarin moqa jaku kubʼ qtzʼibʼin jun tiʼ otoq tzʼel qnikʼ tiʼj.
-
Jaku qo xnaqʼtzan tiʼj jun naʼj Dios bʼant tuʼn jun tmajen Jehová toj ambʼil ojtxe. Ex qo ximen tiʼj tzeʼn jaku tzʼonin qiʼj tuʼn kyok qnaʼj Dios te mas tbʼanel.
-
Jaku tzʼok qkeʼyin jun video toj jw.org. Yajxitl, jaku qo yolin tiʼj kyukʼil toj qja moqa jaku kubʼ qtzʼibʼin aju tbʼanel sela toj qwitz.
-
Jaku bʼaj qbʼinchaʼn qten tiʼj pakbʼabʼil. Jaku qo ensayarin tiʼjju kxel qqʼamaʼn.
-
Qqʼonk qwitz kyiʼj tbʼinchbʼen Jehová ex qo ximen tiʼjju in tzaj kyxnaqʼtzan qe tiʼj. Qa atoʼ kyukʼil qfamilia, qo yolin tiʼj xnaqʼtzbʼil otoq tzʼel qiʼn kyiʼj tbʼinchbʼen Jehová. a
a Qʼonka twitza tiʼj xnaqʼtzbʼil «Mas in nok qojtzqiʼn Jehová aj tok qkeʼyin qe tbʼinchbʼen» toj Xqʼuqil te marzo te 2023.