At maj kwest tuʼn ttzaj qnaʼn aju in kubʼ qxnaqʼtzaʼn. Noqtzun tuʼnj, jurat in tzaj qnaʼn qe techel e ajbʼen tuʼn Jesús. ¿Tiquʼn? Tuʼnju in che ul qe tilbʼilal toj qwiʼ aj qxnaqʼtzan kyiʼj techel lu. Ax ikx qa ma qo ximen kyiʼj junjun tilbʼilal aj qxnaqʼtzan, mas kjel xnaqʼtzbʼil toj qwiʼ. ¿Tzeʼn jaku bʼant quʼn? Aj tkubʼ qdibujarin aju in kubʼ qxnaqʼtzaʼn.

Aqeju in kubʼ kybʼinchaʼn dibuj kyiʼj akʼaj xnaqʼtzbʼil, o tzʼel kynikʼ tiʼj qa mas in che kyaj qe yol ex junjun xnaqʼtzbʼil kwest toj kywiʼ aj tkubʼ kydibujarin. Ex mintiʼ in bʼaj kybʼinchaʼnxix qe tbʼanel dibuj, sino jurat in bʼant kyuʼn. In tzaj kyqʼamaʼn junjun xjal in che xnaqʼtzan tiʼj jlu, qa mas jaku che onin qe dibuj kyiʼj xjal ma che tijen tuʼn tkyaj xnaqʼtzbʼil toj kywiʼ.

Aj t-xnaqʼtzana juntl maj, tbʼanel-lo qa ma kubʼ tdibujarina aju in nel tnikʼa tiʼj. Ex tbʼanelxixlo jaku tzʼela toj twitza tkyaqilju jaku tzaj tnaʼna kyuʼn dibuj.