JUNJUN NABʼIL TUʼN QXNAQʼTZAN

¿Tzeʼn jaku che kanet qʼinumabʼil ewin ateʼ aʼyeju jaku che onin qiʼj?

Aj quʼjin tiʼj Biblia, jaku che kanet qe qʼinumabʼil ewin ateʼ aj qjyon tqanil. Pero, ¿tiʼ jaku bʼant quʼn tuʼn tonin xnaqʼtzbʼil qiʼj?

Qo jyon mas tqanil tiʼjju in jaw quʼjin. Jun techel, ¿alkye kubʼ tzʼibʼinte, jtoje kubʼ tzʼibʼin ex al qeʼ xi tzʼibʼin? ¿Tiʼtoq in bʼaj tej tkubʼ tzʼibʼin? ¿Tiʼ bʼaj tnejel ex tiʼ bʼaj yajxitl?

Qo ximen kyiʼj xnaqʼtzbʼil in nel qnikʼ tiʼj. Qo jyon tiʼj tzaqʼwebʼil kyiʼj xjel ik tzeʼn jlu: «¿Tiʼ kubʼ kynaʼn xjal in yolin txʼolbʼabʼil tiʼj? ¿Tiʼ kymod kubʼ kyyekʼin ex tiquʼn il tiʼj tuʼn tel nkanoʼne kyiʼj? ¿Alkye nya bʼaʼn bʼant kyuʼn ex tiquʼn mintiʼ tuʼn tel nkanoʼne kyiʼj?».

Qbʼinchanku aju in nel qnikʼ tiʼj. Jun techel, ik tzeʼn aj qex pakbʼal moqa aj qyolin kyukʼil txqantl. Iktzun tten kxel qbʼinchaʼn aju in tzaj tqʼamaʼn Salmo 107:43: «Aju xjal at tnabʼl, bʼaʼn tuʼn tok tkwent tiʼj jlu».

• Nabʼil: Qʼonka twitza tiʼj tzeʼn bʼinchaʼn plaj chmabʼil «Qe qʼinumabʼil toj Tyol Dios» ex ax jlu jaku bʼant tuʼna. In nonin plaj lu tuʼn tel qnikʼ tiʼj alkye tten jaku txi qbʼinchaʼn qe nabʼil in che kanet quʼn. Tkyaqil seman ateʼ xjel toj plaj lu, qe xnaqʼtzbʼil jaku qo ximen tiʼj ex qe tilbʼilal.