Chʼixme kykyaqil erman in najbʼen aplicación JW Library^® kyuʼn tuʼn tbʼaj kybʼinchaʼn kyten kyiʼj chmabʼil ex in che tzalaj tuʼnju ya tkubʼ qe xnaqʼtzbʼil tiʼj uʼj Aju Xqʼuqil tkyaqil seman. Noqtzun tuʼnj, chʼixme tkyaqil maj, qʼiʼn junjuntl xnaqʼtzbʼil tuʼn jun revista ex in che onin qiʼj tuʼn tchʼiy qamiwbʼil tukʼil Jehová. Pero, ¿tzeʼn jaku che kanet xnaqʼtzbʼil lu tuʼna tuʼn kyjaw tuʼjina?

• Tjaqʼ tbʼi junjun xnaqʼtzbʼil te uʼj Aju Xqʼuqil tkubʼ toj JW Library in tzaj qʼamaʼn «Otros artículos» ex «Contenido de este número». Qa ma kux t-apacharina jatumel in tzaj qʼamaʼn «Contenido de este número», kʼokel tqʼoʼn twitza tiʼj kykyaqil xnaqʼtzbʼil qʼiʼn tuʼn jun revista. Jaku jaw tjyoʼna alkye taja tuʼn tjaw tuʼjina ex jaku kubʼ t-apacharina tibʼaj.

• Ax ikx, jaku tzʼok tqʼoʼna twitza kyiʼj akʼaj revista de estudio ex jaku che kutz tdescargarina toj JW Library qa ma tzʼokxa jatumel in tzaj qʼamaʼn «Lo nuevo». Jaku kubʼ t-apacharina tibʼaj revista qa ya ma kutz tdescargarina ex tibʼaj kybʼi xnaqʼtzbʼil qʼiʼn tuʼn tuʼntzun kyjaw tuʼjina.