Junjun nabʼil tuʼn qxnaqʼtzan
¿Tzeʼn jaku tzʼajbʼen sección «Lo nuevo» quʼn?
In che kanet akʼaj xnaqʼtzbʼil quʼn toj sección «Lo nuevo» toj JW Library®, ex jatumel in tzaj tqʼamaʼn «Aju akʼaj» toj jw.org. ¿Tzeʼn jaku tzʼajbʼen jlu quʼn?
Qa in najbʼen JW Library tuʼna
Aj in netz jun akʼaj xnaqʼtzbʼil moqa video, in bʼaj actualisarit tembʼil jatumel in che kubʼ qʼet ex atz in che kubʼ qʼoʼn jatumel in tzaj qʼamaʼn «Lo nuevo», ex jaku che bʼaj actualisarit catálogo. ¿Tzeʼn jaku kanet akʼaj xnaqʼtzbʼil tuʼna tuʼntzun tjaw tuʼjina? Jaku jaw tjaqoʼna catálogo ex jyonktza tnejel xnaqʼtzbʼil tuʼnju in che kubʼ qʼoʼn kyoj fecha aj in che jax qʼoʼn toj JW Library.
Atzun qe xnaqʼtzbʼil mas nim kyqan ik tzeʼn qe revista, mlaylo che jaw quʼjin tkyaqil toj junx ambʼil. Tuʼntzunju, jaku che kubʼ tqʼoʼna toj «Favoritos» tuʼntzun miʼn kyxi tzʼaq ex tuʼn kukx kyjaw tuʼjina. Aj tbʼaj tuʼjina tkyaqil, jaku tzʼel tiʼna toj «Favoritos».
Qatzun a jw.org in najbʼen tuʼna
Nya tkyaqilju in jax qʼoʼn toj jw.org in jax qʼoʼn toj JW Library. Ateʼ junjun tqanil oʼkx in che jax qʼoʼn jatumel in tzaj tqʼamaʼn noticias ex comunicados toj jw.org. Miʼn tzikʼ tnaʼl tuʼna tuʼn tok tkeʼyina sección «Aju akʼaj» tuʼntzun tjaw tuʼjina qe xnaqʼtzbʼil mas akʼaj.
