Uʼjinktza Génesis 37:​23-28; 39:​17-23 tuʼn tel tnikʼa kyiʼj nya bʼaʼn ok bʼinchaʼn tiʼj José.

Jyonxa chʼintl tqanil. ¿Tiquʼn ok bʼinchaʼn nya bʼaʼn tiʼj José? (Gén. 37:​3-11; 39:​1, 6-10). ¿Toj jniʼ ambʼil ok bʼinchaʼn nya bʼaʼn tiʼj? (Gén. 37:2; 41:46). Toj tkyaqil ambʼil lu, ¿tiʼ bʼant tuʼn Jehová tiʼj José ex tiʼ mintiʼ bʼant tuʼn? (Gén. 39:​2, 21; w23.01 17 párr. 13).

Jyonxa junjuntl tqanil. Mintiʼ in tzaj tqʼamaʼn Tyol Dios qa ok t-xqʼuqin tibʼ José tiʼj nya bʼaʼn yol tqʼama t-xuʼjil Potifar tiʼj. Qa ikju, ¿tiquʼn mintiʼ bʼant jlu tuʼn? (Mojbʼankuya tukʼil Prov. 20:2 ex tukʼil Hech. 21:37). ¿Tiquʼn mintiʼ in tzaj tqʼoʼn Biblia tkyaqil tqanil tiʼj jun txʼolbʼabʼil? (Mojbʼankuya tukʼil Juan 21:25). ¿Alkyeqe mod e oninlo tiʼj José tuʼn kyikʼx nya bʼaʼn tuʼn? (Miq. 7:7; Luc. 14:11; Sant. 1:​2, 3).

Ximana tiʼ xnaqʼtzbʼil jaku tzʼel tiʼna tiʼj. Xjelinkuya jlu:

• «¿Alkyeqe nya bʼaʼn jaku chin ok weʼye twitz tuʼnju t-xnaqʼtzbʼen Jesús qine?» (Luc. 21:​12, 16, 17; Heb. 10:​33, 34).

• «¿Tiʼ jaku tzʼonin wiʼje tuʼn tbʼaj nbʼinchaʼne ntene aj tok bʼinchaʼn jun nya bʼaʼn wiʼje?» (Sal. 62:​7, 8; 105:​17-19; w19.07 2-7).