Junjun nabʼil tuʼn qxnaqʼtzan
Tbʼanel qa ma che kyaj qe bʼitz in che etz tuʼn ttnam Jehová toj qwiʼ
«Aj tkubʼ nnaʼne qa in tzaj bʼaj nkʼuʼje, in tzaj tqʼoʼn Jehová wipumale kyuʼn qe bʼitz in che etz toj JW Broadcasting®» (Lorraine, Estados Unidos).
Kukx o che ajbʼen bʼitz kyuʼn tmajen Jehová tuʼn kykʼulin te (Col. 3:16). Qa ma che kyaj toj qwiʼ, kʼonil qiʼj maske mintiʼ jun uʼj qʼiʼn quʼn tuʼn qbʼitzin te Jehová moqa jun celular. Tbʼanel qa ma txi tbʼinchaʼna junjun nabʼil lu.
Paʼmila ambʼil tuʼn tjaw tuʼjina qe letra tiʼj bʼitz ex tuʼn tel tnikʼa tiʼj. Mas fácil tuʼn ttzaj qnaʼn jun tiʼ qa ma tzeʼl qnikʼ tiʼjju in tzaj tqʼamaʼn. Toj jw.org, jaku che kanet qe letra kyiʼj kykyaqil bʼitz quʼn ik tzeʼn qe in che etz toj JW Broadcasting ex qe bʼitz kye kʼwal. Tuʼn kykanet quʼn, bʼaʼn tuʼn qxiʼ jatumel in tzaj tqʼamaʼn «Kʼubʼil uʼj» ex yajxitl qe «Bʼitz».
Tzʼibʼinkuxa qe letra twitz jun uʼj. Kʼonil jlu tiʼja tuʼn kykyaj qe bʼitz toj twiʼya (Deut. 17:18).
Xnaqʼtzana tukʼil tqʼajqʼajel twiʼya. Uʼjinktza letra moqa bʼitzina tiʼj bʼitz jun ex juntl maj.
Bʼaʼn tuʼn ttzaj tnaʼna qe letra a ver qa otoq che kyaj toj twiʼya. Tzʼok tilil tuʼna tuʼn tzaj tnaʼna qe letra ex miʼn tzʼok tqʼoʼn twitza tiʼjju tkuʼx toj uʼj moqa toj celular. Yajxitl, jaku tzʼok tqʼoʼn twitza tiʼj qa bʼaʼn aju otoq txi tqʼamaʼna.
