¿Taja tuʼn tel mas tnikʼa tiʼj Tyol Dios aj t-xnaqʼtzana? Aqeju nabʼil ateʼ toj xnaqʼtzbʼil lu jaku che onin tiʼja tuʼn tok tqʼoʼna twiʼya tiʼj t-xnaqʼtzbʼila.

• Jyonxa jun tbʼanel lugar. Qa jaku bʼant, bʼaʼn tuʼn t-xi tjyoʼna jun lugar jatumel nukʼun taʼ tkyaqil ex jatumel at nim spikʼun. Jaku tzʼok qeya tiʼj jun mes moqa jaku t-xi tjyoʼna jun lugar mas tbʼanel ik tzeʼn qa ma tzʼexa ttxaʼn peʼn.

• Jyonxa jun lugar jatumel jaku tena tjunalxa. «Jaw weʼ Jesús primxix, [ . . . ] xiʼ naʼl Dios tuj jun lugar mintiʼ kynajbʼil xjal tuj» (Mar. 1:35). Qatzun mlay bʼant tuʼn ttena tjunalxa qʼamanxa kye toj tjaya moqa kye qeju in che anqʼin tukʼila toj alkye ambʼil kxnaqʼtzala ex tuʼn miʼn kybʼinchan buya toj ambʼil aju.

• Qʼonka twiʼya tiʼjju in kubʼ t-xnaqʼtzaʼna. Qa in najbʼen celular moqa tableta tuʼna aj t-xnaqʼtzana, jaku tzʼel tiʼna tqʼajqʼajel kywiʼ qe notificación moqa jaku kyaj tqʼoʼna en modo avión tuʼntzun miʼn tok tqʼoʼna twiʼya tiʼj. Ex qatzun ma tzaj tnaʼna qa at jun tiʼ il tiʼj tuʼn tbʼant tuʼna, bʼaʼn tuʼn tkubʼ ttzʼibʼina tuʼntzun t-xi tbʼinchana yajxitl. Ex qatzun kwest in nela teya tuʼn tok tqʼoʼn twiʼya tiʼjju in kubʼ t-xnaqʼtzaʼna, bʼaʼn tuʼn tjaw weʼya ex tuʼn tbʼeta moqa bʼaʼn tuʼn t-xi tnuqpiʼna chʼin t-ximlala.