¿Kwestpe tuʼn ttzaj tnaʼna aju otoq xnaqʼtzana tiʼj? Bʼalo qkyaqilx in bʼaj jlu qiʼj. Pero, ¿tiʼ jaku tzʼonin qiʼj? Tuʼn ttzaj qnaʼn qe xnaqʼtzbʼil nim kyoklen.

Aj t-xnaqʼtzana, bʼaʼn tuʼn tel tpaʼna chʼin ambʼil tuʼn t-ximana kyiʼj xnaqʼtzbʼil in nel tnikʼa tiʼj. Atzun jlu xi tqʼamaʼn apóstol Pablo kye erman e xnaqʼtzan tiʼj tcarta. Tqʼama jlu kye: «Aju mas nim toklen tiʼj ju in chin yoline tiʼj» (Heb. 8:1). Tukʼilju xi tqʼamaʼn kye, onin kyiʼj tuʼn tel kynikʼ tiʼjju xi ttzʼibʼin kye ex tzeʼn in mojeʼ kywiʼ yol xi tqʼamaʼn.

Aj tok tena xnaqʼtzal bʼaʼn tuʼn tel tpaʼna chʼin ambʼil, bʼalo jun lajaj minut, tuʼn t-ximana tiʼj alkyeqe xnaqʼtzbʼil nim kyoklen. Qa ma tzikʼ tnaʼl tuʼna, bʼaʼn tuʼn tjaw tuʼjina juntl maj qe subtítulo moqa tnejel oración te junjun párrafo. Aj tel tnikʼa tiʼj jun akʼaj xnaqʼtzbʼil, tzʼok tilil tuʼna tuʼn t-xi tqʼamaʼna tojx teya tyol. Aj kytzaj tnaʼna, kʼonil tuʼn kyul xnaqʼtzbʼil toj twiʼya. Ax ikx, kximela tiʼj tzeʼn tuʼn t-xi tbʼinchaʼna toj tanqʼibʼila.