Mas in che yolin xjal kyoj redes sociales ex kyoj noticia kyiʼj nya bʼaʼn in tzaj tuʼn ikʼbʼil. Ax ikx, in najbʼen correo, Internet ex junjuntl tiʼchaq kyuʼn xjal tuʼn tkubʼ kyyekʼin ikʼbʼil kyiʼj txqantl. Nya oʼkxju, ax ikx ateʼ nim xjal in che el ikʼun tuʼnju junxitl kyyajil, in che ok yasoʼn, in che ok xmayin, in xi qʼamaʼn kye tuʼn tok bʼinchaʼn jun nya bʼaʼn kyiʼj ex in xi elqʼaʼn junjun tiʼchaq kye. ¡At nim ikʼbʼil kyxol xjal!

In tzaj tchikʼbʼaʼn uʼj lu tzeʼn jaku kubʼ tiʼj ikʼbʼil quʼn. Nya noq jun witzikʼ jlu, sino axix tok. Nya oʼkxju, ya in che bʼant chʼixpubʼil lu twitz tkyaqil Txʼotxʼ toj ambʼil jaʼlo.