¿TIʼ JAKU BʼANT QUʼN TUʼN TKUBʼ TIʼJ IKʼBʼIL?
2 | Miʼn tzʼaj tqʼoʼna t-xel nya bʼaʼn
In tzaj tqʼamaʼn Tyol Dios jlu:
«Qa ma bʼinchanjtz mya bʼaʼn kyiʼje, miʼn tzʼaj kyqʼoʼne t-xel mya bʼaʼn [...]. Qa jaku bʼant kyuʼne, tzʼok tililx kyuʼne tuʼn kytene bʼaʼn kyukʼil kykyaqil xjal. Aqeye erman at nkʼuʼje kyiʼje, miʼn tzʼaj kyqʼoʼne t-xel mya bʼaʼn [...]; porke in tmaʼn tuj Tuʼjil: Wuʼne kʼajel t-xel; aqine chin qʼolte castiw, chi Qman» (ROMANOS 12:17-19).
¿Tiʼ t-xilen jlu?
Maske in kubʼ qnaʼn qʼoj aj tok bʼinchaʼn nya bʼaʼn qiʼj tuʼn jun xjal, nya taj Dios tuʼn taj qqʼoʼn t-xel nya bʼaʼn. Sino taj tuʼn tten qpasens tuʼnju o tzaj ttziyen qa toj chʼintl ambʼil kxel tbʼinchaʼn tiʼj tkyaqil nya bʼaʼn (Salmo 37:7, 10).
Ximinkuya tuʼn tbʼant jlu tuʼna:
Qa ma tzʼaj qqʼoʼn t-xel nya bʼaʼn, mas kchʼiyil ikʼbʼil. Tuʼntzunju, qa o tzʼok bʼinchaʼn jun nya bʼaʼn tiʼja, miʼn tzʼaj tqʼoʼna t-xel. Sino ximana tiʼj tmoda kbʼel tyekʼina ex miʼn tzaj naj tqʼoja. At maj, mas bʼaʼn qa mintiʼ ma tzʼok tqʼoʼn twiʼya tiʼjju sok bʼinchaʼn tiʼja (Proverbios 19:11). Atzun toj junjuntl ambʼil, mas bʼaʼn qa ma txi tbʼinchaʼna tiʼj nya bʼaʼn. Jun techel, qa o tzʼok bʼinchaʼn jun nya bʼaʼn tiʼja, jakulo kubʼ t-ximana tuʼn t-xiʼya qʼol part kywitz polisiy moqa kywitz aj kawil.
Qa ma tzʼaj qqʼoʼn t-xel nya bʼaʼn, in tzaj nim nya bʼaʼn qiʼj.
¿Yajtzun qa kwest in nela toj twitza tuʼn t-xi tbʼinchaʼna tiʼj jun nya bʼaʼn toj tumel? ¿In kubʼpe t-ximana qa ya o tzʼok tilil tuʼna tuʼn t-xi tbʼinchaʼna tiʼj? Qa ikju, miʼn tzʼaj tqʼoʼna t-xel nya bʼaʼn tuʼnju jaku tzaj mas nya bʼaʼn tuʼn. Jaku kubʼ tiʼj ikʼbʼil tuʼna. Bʼaʼn tuʼn tok qeʼ tkʼuʼja tiʼj qa kxel tbʼinchaʼn Dios tiʼj nya bʼaʼn. In tzaj tqʼamaʼn Salmo 37:3 a 5 jlu: «Qeʼk tkʼuʼja tiʼj ex tzul onil teya».
Bʼalo ax ikx tgana jlu
CHʼEXPAJ KYANQʼIBʼIL TUʼN TYOL DIOS
Wajtoqe tuʼn tkubʼ tiʼj ikʼbʼil wuʼne
Oʼkx tqʼon tibʼ Rafika kyxol jun kʼloj xjal tuʼntzun tonin tuʼn miʼn kyel ikʼun xjal. Pero el tnikʼ tiʼj toj Biblia qa tzul tiʼn Tkawbʼil Dios mujbʼabʼil twitz Txʼotxʼ.
CHʼEXPAJ KYANQʼIBʼIL TUʼN TYOL DIOS
¿Jakupe kubʼ tiʼj ikʼbʼil tuʼn kʼujlabʼil?
Kwest tuʼn tjatz tiʼn jun xjal ikʼbʼil toj tanmi. Ojtzqiʼnka tiʼ bʼant tuʼn jun xjal judiy ex te Palestina tuʼn tjatz kyiʼn ikʼbʼil toj kyanmi.
QE XJEL TIʼJ TYOL DIOS
¿Tiʼ in tzaj tqʼamaʼn Tyol Dios tiʼjju tuʼn taj qqʼoʼn t-xel nya bʼaʼn?
O che onin consej tkuʼx toj Biblia kyiʼj nim xjal tuʼn miʼn taj kyqʼoʼn t-xel nya bʼaʼn in nok bʼinchaʼn kyiʼj.
