Toj tqʼabʼa taʼ qa taja tuʼn tten jun tbʼanel tanqʼibʼila
Ma tzikʼ junlo 3,500 abʼqʼi, tzaj tqʼamaʼn Jehová kye xjal in che ajbʼen te tiʼ tuʼn tbʼant kyuʼn tuʼn tten jun tbʼanel kyanqʼibʼil toj ambʼil tzul. Tqʼama jlu kye: «Ax tok ma txi nmaʼne tuʼn tjaw kyskʼoʼne kyxol kabʼe tumel lu: Qa chwinqlal ex qa kamik, qa kyʼiwbʼil ex qa mya bʼaʼn. Kyjaʼtzun kyskʼon jawe chwinqlal, tuʼntzun kyanqʼine kyukʼix qe kyiyjile che ul itzʼj te tibʼajxi» (Deuteronomio 30:19).
Qa kyajtoq xjal lu tuʼn kytzalaj toj ambʼil tzul, iltoq tiʼj tuʼn tjaw kyskʼoʼn aju mas tbʼanel. Ax jlu kbʼantel quʼn toj ambʼil jaʼlo. In tzaj tqʼamaʼn Tyol Dios tzeʼn tuʼn tbʼant quʼn. In tzaj tqʼamaʼn jlu: «Kykʼujlame Qman Dios, kynimanxe» (Deuteronomio 30:20).
¿TZEʼN JAKU TZʼOK TKʼUJLAʼNA JEHOVÁ EX TZEʼN JAKU NIMENA TE?
OJTZQINKA TIʼ IN TZAJ TQʼAMAʼN TYOL DIOS. Tuʼn tok tkʼujlaʼna Jehová, nim toklen tuʼn tel tnikʼa tiʼjju in tzaj tqʼamaʼn Tyol. Aj tbʼant jlu tuʼna, kʼelel tnikʼa tiʼj qa kʼujlaʼna tuʼn ex qa taj tuʼn ttzalaja. Ax ikx, taj Jehová tuʼn tnaʼna Dios te tuʼnju in ximen tiʼja (1 Pedro 5:7). Qa ma tzʼok tilil tuʼna tuʼn tel tnikʼa tiʼj, in tzaj ttziyen Tyol qa tzul laqʼeʼ ttxlaja (Santiago 4:8).
BʼINCHANKUYA AJU IN NEL TNIKʼA TIʼJ. Tuʼn t-xi qbʼiʼn aju in tzaj tqʼamaʼn Dios, nim toklen tuʼn t-xi qbʼiʼn qe nabʼil in tzaj tqʼoʼn Tyol. Qa ma bʼant jlu tuʼna, kbʼajel tiʼja aju in tzaj tqʼamaʼn Josué 1:8 jatumel in tzaj tqʼamaʼn jlu: «Tkyaqilju kbʼantel tuʼna bʼaʼn kʼelel».
^ Jaku xnaqʼtzana toj Internet kyoj junjun yol, kyxol qe jlu at yol inglés, chino mandarín ex cantonés.
Bʼalo ax ikx tgana jlu
AJU XQʼUQIL
Toj tqʼabʼa taʼ tchwinqlala
Ateʼ junjun xjal in kubʼ kyximen qa ya bʼantni moqa oʼkx Dios bʼaʼn tuʼn tiʼ kbʼajel tiʼj kychwinqlal. Pero ¿axpe tok jlu?
