In kubʼ kyximen nim xjal qa kwest tuʼn tten jun tbʼanel kyanqʼibʼil. O tzʼel kynikʼ tiʼj qa jun rat jaku che chʼexpaj qe tiʼchaq. Jun techel, o tzaj nim nya bʼaʼn toj kyanqʼibʼil xjal tuʼn COVID-19, ya mintiʼ kypwaq ex ateʼ nim o che kyim. Tuʼntzunju, in kubʼ kyximen xjal qa mlayx ten jun tbʼanel kyanqʼibʼil.

Tuʼnju mintiʼ ojtzqiʼn kyuʼn xjal tiʼ jaku tzʼonin kyiʼj tuʼn kytzalaj, ateʼ junjun in nok qeʼ kykʼuʼj tiʼj swert moqa destino. Ateʼ junjuntl in kubʼ kyximen qa jaku che tzalaj qa ma tzʼetz jun kyxnaqʼtzbʼil moqa ma ten nim kypwaq. Atzun junjuntl in tzaj kyqʼamaʼn qa jaku ten jun tbʼanel kyanqʼibʼil aj kyok te jun tbʼanel xjal.

¿Jakupe tzʼonin jun kyxol qe tiʼchaq lu tiʼja tuʼn ttzalaja? Tuʼn tel tnikʼa tiʼj, ximana kyiʼj xjel lu:

• ¿Alkyeqe tiʼchaq in nok qeʼ tkʼuʼja tiʼj?

• ¿Jakupe ten jun tbʼanel tanqʼibʼila qa ma tzʼetz jun tbʼanel t-xnaqʼtzbʼila moqa ma ten nim tpwaqa?

• ¿Jakupe ten jun tbʼanel tanqʼibʼila toj ambʼil tzul qa ma tzʼoka te jun tbʼanel xjal?

• ¿Tiʼ jaku tzʼonin tiʼja tuʼn tten jun tbʼanel tanqʼibʼila toj ambʼil tzul?

Jaku kanet tzaqʼwebʼil tuʼna toj uʼj lu.