¿Jakupe ten jun tbʼanel tanqʼibʼila qa ma tzʼoka te tbʼanel xjal?
Toj nimku ambʼil, o kubʼ kyximen xjal qa jaku ten jun tbʼanel kyanqʼibʼil aj tok tilil kyuʼn tuʼn kyok te tbʼanel xjal. Jun techel, tqʼama jun maestro ex filósofo jlu, aju Confucio tbʼi ex anqʼin kyoj abʼqʼi 551 a 479 tjaqʼxi ambʼil qʼiʼn quʼn jaʼlo: «Miʼn tzʼok tbʼinchaʼna nya bʼaʼn kyiʼj txqantl qa nya taja tuʼn tok bʼinchaʼn nya bʼaʼn tiʼja». * Ax kyximbʼetz nim xjal te Asia at ik tzeʼn jlu.
AJU IN BʼANT KYUʼN NIM XJAL
Ax ikx in kubʼ kyximen nim xjal qa jaku ten jun tbʼanel kyanqʼibʼil qa ma txi kybʼinchaʼn qe tiʼchaq toj tumel. Tuʼntzunju, in nok tilil kyuʼn tuʼn kyrespetarin kye txqantl, tuʼn tkubʼ kyyekʼin tbʼanel kymod, tuʼn tel kynikʼ tiʼj tiʼ tuʼn t-xi tbʼinchaʼn teyele junjun kye ex tuʼn tkubʼ kynaʼn bʼaʼn. Tqʼama Linh jlu, jun xuʼj in nanqʼin atz Vietnam: «Kubʼ nximane qa jaku ten tbʼanel wanqʼibʼile qa mintiʼ ma chin sbʼune ex qa in chin yoline tiʼj ax tok yol».
Ateʼ junjun xjal in xi kybʼinchaʼn qe tiʼchaq toj tumel tuʼnju atzun in tzaj xnaqʼtzaʼn kye toj iglesia. In tzaj tqʼamaʼn Hsu-Yun jlu, aju in nanqʼin Taiwán: «Tzaj xnaqʼtzaʼn weye qa aj tkyim jun xjal, jaku tzalaj qa bʼaʼn tbʼinchbʼen moqa jaku ten toj kʼixkʼoj qa ma tzʼok te nya bʼaʼn xjal».
¿TIʼ O TZAJ TUʼN JLU?
In nonin qiʼj qa ma txi qbʼinchaʼn tbʼanel tiʼchaq kye txqantl. Noqtzun tuʼnj, o tzʼel kynikʼ junjun xjal tiʼj qa nya tkyaqil maj tbʼanel in nela aj kyonin kyiʼj txqantl. Tqʼama Shiu Ping jlu, jun xuʼj in nanqʼin Hong Kong: «Tuʼnju o bʼaj wiʼje, jaku txi nqʼamaʼne qa nya tkyaqil maj in tzaj qkʼamoʼn kʼiwlabʼil aj qonin kyiʼj txqantl. Ok tilil wuʼne tuʼn nxqʼuqine kyiʼj toj njaye, pero tzaj nya bʼaʼn toj nmejebʼleʼne ex in kyaj tzaqpiʼne tuʼn nchmile tukʼil wale».
O tzʼel kynikʼ nim xjal tiʼj qa nya kykyaqil okslal at jun tbʼanel kymod. Tqʼama Etsuko jlu, jun xuʼj in nanqʼin Japón: «In tene toj jun okslabʼil ex aʼyine in nok te directora de actividades kye kuʼxun. Tzaj nbʼise tuʼn okslabʼil tuʼnju noq in che yaẍin xjal, oʼkx kyajtoq mas kyoklen ex mintiʼtoq in najbʼen pwaq te iglesia kyuʼn toj tumel».
«Ok tilil wuʼne tuʼn nxqʼuqine kyiʼj toj njaye, pero tzaj nya bʼaʼn toj nmejebʼleʼne ex o kyaj tzaqpiʼne tuʼn nchmile tukʼil wale» (SHIU PING, HONG KONG).
In tzaj kybʼis nim okslal aj tel kynikʼ tiʼj qa mintiʼ in nok qʼoʼn toklen tkyaqilju tbʼanel tiʼchaq in bʼant kyuʼn. Atzun jlu kubʼ tnaʼn Van, jun xuʼj in nanqʼin atz Vietnam. Tqʼama jlu: «Tkyaqil qʼij in kubʼtoq nqʼoʼne lobʼj, bʼech ex wabʼj twitz ky-altar nfamiliare otoq che kyim tuʼntzun ntzaj kʼiwlaʼne kyuʼn. Maske ok tilil wuʼne tuʼn t-xi nbʼinchaʼne bʼaʼn, tzaj nim yabʼil tiʼj nchmile. Nya oʼkxju, ax ikx tzaj nya bʼaʼn tiʼj wale in xnaqʼtzantoq toj juntl tnam. Kyim tej qʼiʼntoq 20 abʼqʼi tuʼn».
Qa mlay ten jun tbʼanel qanqʼibʼil noq tuʼnju in nok tilil quʼn tuʼn qok te tbʼanel xjal, ¿tiʼtzun jaku bʼant quʼn? Tuʼn tel qnikʼ tiʼj, nim toklen tuʼn qjyon kyiʼj tqanil jaku tzʼok qeʼ qkʼuʼj kyiʼj, aqeju jaku tzaj kytzaqʼweʼn qxjel ex jaku tzaj kyyekʼin qe tzeʼn jaku ten jun tbʼanel qanqʼibʼil. Pero, ¿jatumel jaku che kanet tqanil lu quʼn?
^ Qa taja tuʼn tel mas tnikʼa tiʼj xnaqʼtzbʼil tqʼama Confucio, jaku jaw tuʼjina xnaqʼtzbʼil 7 taqikʼ 31 a 35 toj libro El hombre en busca de Dios, aju bʼinchaʼn kyuʼn testigos de Jehová ex at toj www.pr418.com.
Bʼalo ax ikx tgana jlu
¡WEʼKTZA!
Tuʼn tel kynikʼ tiʼj alkye bʼaʼn ex alkye nya bʼaʼn
Qa ma txi t-xnaqʼtzaʼna alkye bʼaʼn ex alkye nya bʼaʼn kye tkʼwaʼla, tuʼn jlu kjawil kyjyoʼn aju mas bʼaʼn toj ambʼil tzul.
QE XJEL TIʼJ TYOL DIOS
¿Tiʼ in tzaj tqʼamaʼn Biblia tiʼjju qmod tuʼn tkubʼ qyekʼin kyiʼj txqantl?
Tej tyolin Jesús tiʼjju qmod tuʼn tkubʼ qyekʼin kyiʼj txqantl, atztoq in yolin tiʼj qmod tuʼn tkubʼ qyekʼin kyiʼj aj qʼoj qiʼj ex nya oʼkx kyiʼj junjun xjal.
AJU XQʼUQIL
¿Tiquʼn in tzaj nya bʼaʼn kyiʼj tbʼanel xjal?
In tzaj tqʼamaʼn Tyol Dios qa at oxe tiquʼn in tzaj nya bʼaʼn kyiʼj xjal.
