¿Tiʼ jaku tzʼonin tiʼja tuʼn tten jun tbʼanel tanqʼibʼila?
Ma tzʼel qnikʼ tiʼj qa kyaj xjal tuʼn tten jun tbʼanel kyanqʼibʼil, tuʼntzunju, in nok qeʼ kykʼuʼj tiʼj destino, kyiʼj xnaqʼtzbʼil, tiʼj pwaq moqa tuʼn kyok te tbʼanel xjal. Pero mintiʼ in nonin jlu kyiʼj. Qa ikju, ¿ape t-xilen jlu qa mlay kanet jun onbʼil quʼn tuʼn tel qnikʼ tiʼj tzeʼn jaku ten jun tbʼanel qanqʼibʼil toj ambʼil tzul?
AJU ONBʼIL IN TZAJ TQʼOʼN JUN XJAL AT MAS TNABʼIL
Aj tkubʼ qximen tiʼ tuʼn t-xi qbʼinchaʼn, chʼixme tkyaqil maj in xi qqanin onbʼil te jun xjal ma tijen moqa at mas tnabʼil qwitz. Tuʼntzunju, qa qaj tuʼn tten jun tbʼanel qanqʼibʼil toj ambʼil tzul, nim toklen tuʼn qjyon onbʼil tukʼil jun xjal at mas tojtzqibʼil ik tzeʼn qe ex at mas tnabʼil. Jaku kanet onbʼil lu quʼn toj Tyol Dios, aju ma tzikʼ junlo 3,500 abʼqʼi tkubʼlen tzʼibʼin.
¿Tiquʼn jaku tzʼok qeʼ qkʼuʼj tiʼj Tyol Dios? Tuʼnju te Dios t-ximbʼetz tkuʼx toj ex oʼkx te at mas tnabʼil. A in nok te «Tij Xjal» ex kukx at «tuj tkyaqil tabʼqʼiyil te jumajx» (Daniel 7:9; Salmo 90:2). «Ate Qman o bʼinchante kyaʼj, atzun Diosju, aju bʼinchante txʼotxʼ» (Isaías 45:18). Ax in tzaj qʼamante qe qa Jehová tbʼi (Salmo 83:18, TNM).
Tuʼnju atz tzajni Biblia tukʼil Dios aju Bʼinchal kye xjal, mintiʼ in tzaj t-xnaqʼtzaʼn qa mas tbʼanel tyajil jun xjal twitz juntl. O che onin consej in tzaj tqʼoʼn kyiʼj xjal twitz tkyaqil Txʼotxʼ. Ex oʼkx te Tyol o kubʼ traducirit kyoj nim yol ex atzun uʼj mas in xi sipin twitz tkyaqil Txʼotxʼ. * Tuʼntzunju, nya kwest jaku tzʼel kynikʼ xjal tiʼj ex jaku che ok lepeʼ tiʼjju in tzaj tqʼamaʼn. Ax Tyol Dios in tzaj qʼamante jlu:
«Mintiʼ in tkeʼyin Dios aju kyxilen xjal, noq oʼkx in tzalaj kyiʼj xjal at tchi Dios kye tuj tkyaqil nasyon, ex in kybʼinchaʼn aju tzʼaqlxix» (HECHOS 10:34, 35).
Ik tzeʼn jun tbʼanel mambʼaj kʼujlaʼn qe tkʼwal tuʼn ex in nonin kyiʼj, ax ikx te Jehová kʼujlaʼn qoʼ tuʼn ex in najbʼen Tyol tuʼn tuʼn tonin qiʼj (2 Timoteo 3:16). Jaku tzʼok qeʼ tkʼuʼja tiʼjju in tzaj tqʼamaʼn Dios qe toj Tyol tuʼnju a Bʼinchal qe ex ojtzqiʼn tuʼn alkye mas bʼaʼn te qe.
¿Tiʼ kbʼantel tuʼna tuʼn tten tanqʼibʼila ik tzeʼn jlu? Toj juntl xnaqʼtzbʼil, tzul qʼoʼn tzaqʼwebʼil tiʼj xjel lu.
^ Qa taja tuʼn tok tbʼiʼna mas tqanil tiʼj traducción tiʼj Tyol Dios ex tzeʼn in xi sipet, jaku tzʼokxa toj www.pr418.com jatumel in tzaj tqʼamaʼn QE XNAQʼTZBʼIL TOJ TYOL DIOS > AJU TYOL DIOS EX AJU O BʼAJ TIʼJ.
^ Qa taja tuʼn tel mas tnikʼa, jaku txi tjyoʼna capítulo 9 toj libro La Biblia... ¿la Palabra de Dios, o palabra del hombre?, aju bʼinchaʼn kyuʼn testigos de Jehová. Jaku kanet tuʼna toj www.pr418.com jatumel in tzaj tqʼamaʼn BIBLIOTECA > OTRAS PUBLICACIONES.
Bʼalo ax ikx tgana jlu
AJU XQʼUQIL
Aju axix tok tiʼj ambʼil tzul
Tzʼok tilil tuʼna tuʼn tchʼiy qʼuqbʼil tkʼuʼja tiʼjju o tzaj ttziyen Dios tiʼj Txʼotxʼ ex kyiʼj xjal che anqʼil twitz.
AJU XQʼUQIL
¿Atpe kyajbʼen consej ateʼkux toj Tyol Dios?
Tuʼnju at nim akʼaj tqanil in kubʼ qʼoʼn, ¿tiquʼn kʼajbʼel Tyol Dios quʼn, jun uʼj chʼix tel kabʼe mil abʼqʼi tkubʼlen tzʼibʼin?
AJU XQʼUQIL
Aju Tyol Dios ex aju ambʼil tzul
In nonin Tyol Dios qiʼj tuʼn qex kywitz nya bʼaʼn ateʼku qwitz: qeju nya bʼaʼn in qo ok weʼ kywitz junjun qʼij. At juntl tiʼ in bʼant tuʼn. Ax ikx in tzaj tyekʼin aju kbʼajel toj ambʼil tzul.
QE XJEL TIʼJ TYOL DIOS
¿Kyajpe tqʼamaʼn Tyol Dios tzeʼn kymod xjal tuʼn tten toj ambʼil jaʼlo?
Kyaj tqʼamaʼn Tyol Dios qa mas kbʼel kybʼinchaʼn xjal nya bʼaʼn.
