AJU XQʼUQIL Tajlal 1 2018
¿KUKXPE AT TAJBʼEN TYOL DIOS?
Tuʼnju in qo anqʼin toj ambʼil jatumel at nim tqanil ex qe tiʼ tzma in che etz, ¿kukxpe at tajbʼen jun ojtxe uʼj ik tzeʼn Tyol Dios? Ax Tyol Dios in tzaj qʼamante:
«Tkyaqil aju tzʼibʼan tuj Tuʼjil, a Dios o qʼmante ex at tajbʼen» (2 Timoteo 3:16).
Aju tajlal uʼj Aju Xqʼuqil in tzaj tyekʼin qa jaku tzʼonin Tyol Dios qiʼj toj tkyaqil tten qanqʼibʼil.
¿Atpe kyajbʼen consej ateʼkux toj Tyol Dios?
Tuʼnju at nim akʼaj tqanil in kubʼ qʼoʼn, ¿tiquʼn kʼajbʼel Tyol Dios quʼn, jun uʼj chʼix tel kabʼe mil abʼqʼi tkubʼlen tzʼibʼin?
Te jumajx ojtzqibʼil tkuʼx toj Tyol Dios
Mintiʼ in nel qʼiʼn toklen Tyol Dios kyuʼn qeju tiʼchaq kʼitzqe tzʼel kynikʼ xjal. Mas at kyajbʼen nabʼil tkuʼx toj toj ambʼil jaʼlo.
¿Mintiʼtl tajbʼen, moqa tzaj tqʼamaʼn aju at tajbʼen jaʼlo?
Mintiʼ kubʼ bʼinchaʼn Tyol Dios tuʼn tajbʼen tiʼj ciencia noqtzun tuʼnj, tzʼaqli aj tyol tiʼj ciencia ex jaku jaw labʼine tiʼj jlu.
1 In nonin tuʼn miʼn ttzaj nya bʼaʼn qiʼj
Keʼyinka tzeʼn o tzʼonin nabʼil in tzaj tqʼoʼn Tyol Dios kyiʼj junjun xjal tuʼn miʼn kytzaj junjun nya bʼaʼn mas matij toj kyanqʼibʼil.
2 In nonin qiʼj tuʼn t-xi qbʼinchaʼn kyiʼj nya bʼaʼn
In che onin nabʼil ateʼkux toj Tyol Dios tuʼn t-xi qbʼinchaʼn kyiʼj nya bʼaʼn kukx in che ten ex in bʼaj qkʼuʼj kyuʼn, ik tzeʼn aj ttzaj bʼajxix qkʼuʼj, aj qkyaj qjunalx ex aju tuʼn kykyaj qqʼoʼn tiʼchaq te yajxi.
3 In nonin tuʼn kyikʼx nya bʼaʼn quʼn
¿Jakupe tzʼonin Tyol Dios qiʼj aj qok weʼ kywitz nya bʼaʼn mlay bʼant tiʼj quʼn ik tzeʼn jun yabʼil mintiʼ qʼanbʼil tiʼj moqa aj tkyim jun toj qja?
Aju Tyol Dios ex aju ambʼil tzul
In nonin Tyol Dios qiʼj tuʼn qex kywitz nya bʼaʼn ateʼku qwitz: qeju nya bʼaʼn in qo ok weʼ kywitz junjun qʼij. At juntl tiʼ in bʼant tuʼn. Ax ikx in tzaj tyekʼin aju kbʼajel toj ambʼil tzul.
¿Tiʼ teya t-ximbʼetz tiʼj?
Bʼinxa tiʼ in kubʼ kyximen junjun xjal ex tiʼ in tzaj tqʼamaʼn Tyol Dios.
