¿Alkye Dios?
In tzaj kyqʼamaʼn nimku xjal qa in che nimen te Dios, pero aj t-xi qanin kye alkye Dios, junxichaq tzaqʼwebʼil in tzaj kyqʼoʼn. Ateʼ junjun in kubʼ kyximen qa jun nya bʼaʼn jwes te Dios ex qa in tzalaj aj tkubʼ tqʼoʼn kykastiw xjal tuʼn tpaj kyil. Atzun junjuntl in tzaj kyqʼamaʼn qa at tkʼujlabʼil Dios ex qa in kubʼ tnajsaʼn kyil xjal noq tiʼxku in bʼant kyuʼn. Ex in kyqʼamaʼn junjuntl qa najchaq taʼ Dios ex qa mintiʼ tkʼuʼj kyiʼj xjal. Tuʼnju at junxichaq kyximbʼetz xjal tiʼj Dios, tuʼn jlu jakulo kubʼ kyximen qa mlayx tzʼok qojtzqiʼn Dios.
¿Nimpe toklen tuʼn tok tojtzqiʼna Dios? Nim toklen. Jaku ten ttxolil tanqʼibʼila qa ma tzʼok tojtzqiʼna Dios (Hechos 17:26-28). Qa mas in nok laqʼeʼya ttxlaj, mas kʼokel kʼujlaʼna tuʼn ex kʼonil tiʼja (Santiago 4:8). Ax ikx, jaku ten tchwinqlala te jumajx qa ma tzʼok tojtzqiʼna Dios (Juan 17:3).
¿Tzeʼn jaku tzʼok tojtzqiʼna Dios? Ximana tiʼj jun xjal ojtzqiʼn twitz tuʼna, jun tbʼanel tamiwa. ¿Tzeʼn chʼiy kyamiwbʼila? Tnejel ok tojtzqiʼna tbʼi, ex yajxitl, el tnikʼa kyiʼj tmod, alkyeqe tiʼchaq tgan ex alkyeqe nya tgan, tiʼ o bʼant tuʼn ex tiʼ taj tuʼn tbʼant tuʼn. Tuʼnju ok tojtzqiʼna jlu, chʼiy tamiwbʼila tukʼil.
Ax ikx, jaku tzʼok tojtzqiʼna Dios qa ma jyona tiʼj tzaqʼwebʼil kyiʼj xjel lu:
Ma bʼaj bʼinchaʼn uʼj lu tuʼntzun tel tnikʼa tiʼj tzaqʼwebʼil in tzaj tqʼoʼn Tyol Dios kyiʼj xjel lu. Che onil xnaqʼtzbʼil tiʼja tuʼn tel tnikʼa tiʼj alkye Dios ex tiʼ tbʼanel tzul teya qa ma tzʼoka te tamiw.
