Aju axix tok tiʼj Tkawbʼil Dios
Xi t-xnaqʼtzaʼn Jesús kye t-xnaqʼtzbʼen tuʼn kynaʼn Dios kyjalu: «A Qman ata tuj kyaʼj, tenwt tchiylal tbʼiya qeye. E ttzaj ju tkawbʼila. Bʼant-xwit ju tajbʼila twitz txʼotxʼ ik tzaʼn in bʼant tuj kyaʼj» (Mateo 6:9, 10). ¿Tiʼ aju Tkawbʼil Dios? ¿Tiʼ in bʼant tuʼn? ¿Tiquʼn il tiʼj tuʼn t-xi qqanin toj qnaʼj Dios?
A Jesús aj Kawil toj Tkawbʼil Dios
Lucas 1:31-33: «Jesús tbʼi kʼokel tqʼoʼna. Maʼ toklen Kʼwaʼl lu; ex kʼokel qʼmaʼn tbʼi Tkʼwaʼl Dios, aju Dios Maʼxix Toklen; kxel tqʼoʼn Qman Dios toklen tuʼn tok te rey ik tzaʼn te David, porke atzun t-xeʼchel. Kkawil kyibʼaj tiyjil Jacob te jumajx; ex aju tkawbʼil mintiʼ bʼajsbʼil te».
Mas yolin Jesús tiʼj Tkawbʼil Dios tej tpakbʼan
Mateo 9:35: «Bʼaj tbʼetin Jesús kyuj kykyaqil tnam ex kyuj kykyaqil aldey, in tqʼoʼn xnaqʼtzbʼil kye xjal kyuj ja te kʼulbʼil kye judiy, in pakbʼan tiʼj tqanil bʼaʼn tiʼj tkawbʼil Dios, ex in che bʼanix xjal tuʼn, noq alkyex kyyabʼil ex noq alkyex kʼixkʼoj tok kyiʼj».
Xi tqʼamaʼn Jesús jun techel kye t-xnaqʼtzbʼen aju tzul tyekʼin qa chʼixtoq tul Tkawbʼil Dios
Mateo 24:7: «Porke qe xjal tuj jun nasyon che qʼojlel tiʼj juntl nasyon, ex che qʼojlel qe tnam kyiʼj mastl tnam; ex noq jachaq tzul txʼuʼj yabʼil ex weʼyaj ex kyaqnajnabʼ».
In che pakbʼan t-xnaqʼtzbʼen Jesús tiʼj Tkawbʼil Dios twitz tkyaqil Txʼotxʼ
Mateo 24:14: «Aju tqanil bʼaʼn lu tiʼj tkawbʼil Dios kxel pakbʼet tuj tkyaqil twitz txʼotxʼ tuʼntzun tchikʼbʼanjtz ju yol lu kye kykyaqil nasyon; maxitzun tzul mankbʼil tqʼijlalil».
Bʼalo ax ikx tgana jlu
QE XNAQʼTZBʼIL NIM KYOKLEN TOJ TYOL DIOS
¿Tiʼ aju Tkawbʼil Dios?
Tej tten Jesús twitz Txʼotxʼ, mas yolin tiʼj Tkawbʼil Dios toj tpakbʼabʼil. Toj nimku ambʼil, o txi kyqanin xjal toj kynaʼj Dios tuʼn tul Tkawbʼil Dios.
¿ALKYE TQANIL TKUʼX TOJ TYOL DIOS?
Pakbʼan Jesús tiʼj tKawbʼil Dios
¿Alqibʼaj yolinxix Jesús tej tpakbʼan? ¿Tzeʼn kubʼ tyekʼun Jesús qa kkawil toj tbʼanel ex tukʼe kʼujlabʼil?
