AJU XQʼUQIL Tajlal 1 2023 | In ten tbʼanel qximbʼetz tuʼn onbʼil in tzaj tqʼoʼn Biblia
Ateʼ nim millón xjal at jun yabʼil tiʼj kyximbʼetz ex in tzaj bʼaj kykʼuʼj tuʼn. Ex jaku bʼaj jlu tiʼj alkyexku xjal maske junxitl tabʼqʼi, ttnam, tokslabʼil, t-xnaqʼtzbʼil, qa at kypwaq moqa mintiʼ. Pero ¿tiʼ in kubʼ kynaʼn xjal in tzaj yabʼil lu kyiʼj ex tiʼ in tzaj toj kyanqʼibʼil tuʼn? Ktzajel qʼamaʼn toj revista lu qa nim toklen tuʼn kyxiʼ xjal lu tukʼil jun doctor at tojtzqibʼil tiʼj yabʼil. Ax ikx, ktzajel qʼamaʼn alkye tten jaku tzʼonin Biblia kyiʼj.
Chʼixme kykyaqil xjal at jun yabʼil tiʼj kyximbʼetz
Jaku tzaj yabʼil tiʼj t-ximbʼetz jun xjal maske junxitl tabʼqʼi ex tyajil. Qʼonka twitza tiʼj tzeʼn jaku tzʼonin Biblia tiʼja qa at jun yabʼil tiʼj t-ximbʼetza.
Taj Dios tuʼn t-xqʼuqin tiʼja
¿Tiquʼn jaku txi qqʼamaʼn qa mas in nel tnikʼ Jehová tiʼjju in kubʼ qnaʼn ex in kubʼ qximen?
1 | Aju naʼj Dios: «Tkyaqilju in bʼaj kykʼuʼje tiʼj, kyqʼonxe tuj tkwent Dios»
¿Jakupe chin naʼne Dios tiʼj jun tiʼ in tzaj bʼaj nkʼuʼje tiʼj moqa tiʼj jun problem? ¿Tzeʼn in nonin naʼj Dios kyiʼj qeju at ansiedad kyiʼj?
2 | «Tuʼn tqeʼ qkʼuʼj tuʼnju yol tzʼibʼan tuj Tuʼjil»
In tzaj tqʼamaʼn Biblia qa toj chʼintl ambʼil ya mlay tzaj qnaʼn kʼixkʼoj in tzaj qiʼj.
3 | Qe techel in tzaj qʼamaʼn toj Biblia
In yolin Biblia kyiʼj junjun xjal kubʼ kynaʼn aʼyex tiʼchaq ik tzeʼn qe ex in nonin jlu qiʼj tuʼn tel qnikʼ tiʼj qa nya qjunalx jaku tzaj bʼaj qkʼuʼj.
4 | Qe tbʼanel consej ateʼ toj Biblia
Qa at jun yabʼil tiʼj t-ximbʼetza, ojtzqinka tzeʼn jaku tzʼonin tiʼja aj t-ximana kyiʼj texto toj Biblia ex qa ma kubʼ tbʼinchaʼna junjun tiʼ.
¿Tzeʼn jaku qo onin kyiʼj qeju at jun yabʼil tiʼj kyximbʼetz?
Nim kʼonil tiʼj jun tamiwa at jun yabʼil tiʼj t-ximbʼetz qa ma tzʼonina tiʼj.
