1 | Aju naʼj Dios: «Tkyaqilju in bʼaj kykʼuʼje tiʼj, kyqʼonxe tuj tkwent Dios»
IN TZAJ TQʼAMAʼN BIBLIA JLU: «Tkyaqilju in bʼaj kykʼuʼje tiʼj, kyqʼonxe tuj tkwent Dios, porke ate Dios kwentil kyeye» (1 PEDRO 5:7).
¿Tiʼ t-xilen jlu?
In tzaj tqʼoʼn Jehová txokbʼil qiʼj tuʼn t-xi qqʼamaʼn te tkyaqilju nya bʼaʼn in qo ok weʼ twitz ex aju in tzaj bʼaj qkʼuʼj tuʼn (Salmo 55:22). Qa matij nya bʼaʼn moqa chʼin, jaku txi qqʼamaʼn te Dios. Qa in tzaj qbʼis tuʼn ax ikx te Jehová in tzaj tbʼis. Ex nim toklen tuʼn qnaʼn Dios tuʼn tten mujbʼabʼil toj qximbʼetz (Filipenses 4:6, 7).
¿Tzeʼn in nonin qiʼj?
Qa at jun yabʼil tiʼj qximbʼetz, jaku kubʼ qnaʼn qa qjunalx atoʼ. Tuʼnju nya kykyaqilx jaku tzʼel kynikʼ tiʼjju in bʼaj qiʼj (Proverbios 14:10). Pero in nel tnikʼ Dios qiʼj ex in qo tzaj tbʼiʼn ex jaku txi qqʼamaʼn tkyaqilju in kubʼ qnaʼn te. Ax ikx, in nok tqʼoʼn twitz qiʼj, in nel tnikʼ tiʼj qbʼis ex ojtzqiʼn tuʼn tkyaqil nya bʼaʼn in qo ok weʼ twitz. Tuʼntzunju, taj tuʼn qnaʼn Dios te ex tuʼn t-xi qqʼamaʼn tkyaqilju in bʼaj qkʼuʼj tiʼj (2 Crónicas 6:29, 30).
Aj qnaʼn Dios te Jehová, mas kʼokel qeʼ qkʼuʼj tiʼj qa kxqʼuqil qiʼj. Jaku tzʼok qeʼ qkʼuʼj tiʼj Dios ik tzeʼn tqʼama jun aj tzʼibʼil tiʼj Biblia tej t-xi tqʼamaʼn jlu te: «Ma tila qe nbʼise, ojtzqiʼn tuʼna aju kʼixkʼoj in tzaj wiʼje» (Salmo 31:7). In tzaj tqʼoʼn qipumal tuʼn kukx tok tilil quʼn, aj tel qnikʼ tiʼj qa in ximen Jehová tiʼjju in nikʼ qiʼj. Nya oʼkx in nok tqʼoʼn twitz tiʼjju in bʼaj qiʼj, sino mas in nel tnikʼ tiʼj tkyaqilju in bʼaj qiʼj ex in nonin qiʼj tuʼn tkanet qʼuqbʼil qkʼuʼj toj Biblia.
Bʼalo ax ikx tgana jlu
AJU XQʼUQIL
¿Alkye tten tuʼn qnaʼn Dios tuʼntzun qtzaj tbʼiʼn Dios?
Jaku yolina tukʼil Dios jaxku tumel ex toj alkyexku ambʼil, tukʼil tqʼajqʼajel twiʼya moqa miʼn. Kyaj t-xnaqʼtzaʼn Jesús qe tiʼ jaku txi qqanin toj qnaʼj Dios.
QE XNAQʼTZBʼIL NIM KYOKLEN TOJ TYOL DIOS
¿Tkyaqilpe naʼj Dios in che tzaj tbʼiʼn Jehová?
¿Tiʼ in bʼaj qa at jun xjal in naʼn Dios noq tuʼn ttzaj qʼoʼn tiʼchaq te? ¿Yajtzun qa in nok tbʼinchaʼn chmilbʼaj nya bʼaʼn tiʼj t-xuʼjil ex yajxitl in xi tqanin tuʼn ttzaj kʼiwlaʼn tuʼn Dios?
KYXJEL KUʼXUN
¿Tiquʼn nim toklen tuʼn qnaʼn Dios?
¿Oʼkxpe in nonin naʼj Dios wiʼje tuʼn tkubʼ nnaʼne bʼaʼn?
AJU XQʼUQIL
¿In tzajpe tbʼiʼn Dios qe qnaʼj Dios?
In tzaj tqʼamaʼn Xjan Uʼj qa in qo tzaj tbʼiʼn Dios qa ma qo naʼn Dios te ik tzeʼn tajbʼil.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
