4 | Qe tbʼanel consej ateʼ toj Biblia
IN TZAJ TQʼAMAʼN BIBLIA JLU: «Tkyaqil aju tzʼibʼan tuj Tuʼjil, [...] at tajbʼen» (2 TIMOTEO 3:16).
¿Tiʼ t-xilen jlu?
Maske nya jun uʼj te qʼanbʼil Biblia, in tzaj tqʼoʼn tbʼanel consej kye qeju in nok tilil kyuʼn tukʼil jun yabʼil at tiʼj kyximbʼetz. Qʼonka twitza kyiʼj junjun techel.
¿Tzeʼn in nonin qiʼj?
«Qe xjal mya yabʼ, mya il tiʼj jun qʼanal kye, noq oʼkx qe xjal yabʼ» (MATEO 9:12).
In tzaj tqʼamaʼn Biblia qa at maj il tiʼj tuʼn t-xi jyet onbʼil tukʼil jun xjal at tojtzqibʼil tiʼj yabʼil. Ateʼ nim xjal at jun yabʼil tiʼj kyximbʼetz, o kubʼ kynaʼn bʼaʼn tej ttzaj kykʼamoʼn onbʼil ex tej ttzaj qʼoʼn onbʼil kye tuʼn jun doctor.
«Porke aju tuʼn tnuqpaj qximlal, [...] in tqʼoʼn aju bʼaʼn tuj qchwinqlal» (1 TIMOTEO 4:8).
Qa ma tzʼajbʼen ambʼil quʼn ex qipumal tuʼn tkubʼ qbʼinchaʼn junjun tiʼchaq tbʼanel, jaku tzʼonin qiʼj qa at jun yabʼil tiʼj qximbʼetz. Kyxol qe tiʼchaq tbʼanel, jaku kubʼ qbʼinchaʼn ejercicio, tuʼn qwaʼn kyiʼj tbʼanel wabʼj ex tuʼn qjtan nim ambʼil.
«Qa at tzalajbʼil tuj tanmi xjal, a jlu mer ik tzaʼn jun qʼanbʼil te te, qatzun in bʼisun, in bʼaj tipun t-ximlal tuʼn» (PROVERBIOS 17:22).
Qa ma jaw quʼjin qe taqikʼ Tyol Dios in tzaj kyqʼuqbʼaʼn qkʼuʼj ex qa ma ten tbʼanel qximbʼetz, jaku tzʼonin qiʼj tuʼn qtzalaj. Ex qa ma ten tbʼanel qmod ex qa ma qo tzalaj, kʼonil qiʼj tuʼn tten qximbʼetz toj tumel maske at jun yabʼil tiʼj qximbʼetz.
«Kyukʼil qe xjal mans, atzun taʼ nabʼl» (PROVERBIOS 11:2).
Atlo maj taja onbʼil tuʼn kyxi bʼinchet junjun tiʼchaq, tuʼntzunju bʼaʼn tuʼn t-xi tkʼamoʼna onbʼil tuʼn tkyaqil tkʼuʼja. Kyajlo tamiwa ex qe toj tjaya tuʼn kyonin tiʼja, pero mintiʼlo ojtzqiʼn kyuʼn alkye tten jaku che onin. Tuʼntzunju, qʼamanxa kye tiʼxix onbʼil taja, pero bʼaʼn tuʼn tten tnabʼila ex qʼonxa chjonte kye tiʼjju kbʼantel kyuʼn tiʼja.
¿Tzeʼn in che onin consej in tzaj tqʼoʼn Biblia kyiʼj qeju at jun yabʼil tiʼj kyximbʼetz?
«El nnikʼe tiʼj qa at jun nya bʼaʼn in kubʼ nnaʼne, tuʼntzunju in xiʼye tukʼil jun doctora. Tzaj tchikʼbʼaʼn doctora tiʼ in bʼaj wiʼje ex onin jlu tuʼn tel nnikʼe tiʼ yabʼil tok wiʼje. Ax ikx, tzaj tqʼamaʼn weye alkyeqe qʼanbʼil at tiʼj yabʼil tok wiʼje» (Chi Nicole, a aju at yabʼil trastorno bipolar tiʼj).
«In nonin wiʼje aj wuʼjine tiʼj Biblia tkyaqil qʼij tukʼil nxuʼjile. Aj tbʼant jlu wuʼne, in xi tzyet nqʼije kyukʼil tbʼanel ximbʼetz. Ex o tzʼel nnikʼe tiʼj qa kukx in kanet jun versículo wuʼne aju in kuʼpin toj wanmiye toj ambʼil mas kwest» (Chi Peter, aju at depresión tiʼj).
«Tnejel in tzajtoq nchʼixwiye tuʼn t-xi nqʼamaʼne kye txqantl aju in chin ok weʼye twitz. Pero el tnikʼ jun wamiwe wiʼje, kubʼ tyekʼin nim tkʼujlabʼil ex kubʼ nnaʼne bʼaʼn tuʼn. Ax ikx, el nnikʼe tiʼj qa nya njunalxe atine» (Chi Ji-yoo, aju at yabʼil trastorno alimentario tiʼj).
«Noq tuʼn tonbʼil Biblia, mas toj tumel nximbʼetze at tiʼj aqʼuntl ex tiʼjju tuʼn wojlane. In che onin nabʼil tkuʼx toj wiʼje tuʼn wexe kywitz nya bʼaʼn in kubʼ nnaʼne» (Chi Timothy, aju at trastorno obsesivo compulsivo tiʼj).
a Ma che kubʼ chʼixpet junjun bʼibʼaj.
Bʼalo ax ikx tgana jlu
QE XJEL TIʼJ TYOL DIOS
¿Jaku tzʼonin okslabʼil, Dios moqa Biblia tuʼn ntzalaje?
Bʼaʼn tuʼn tel tnikʼa tiʼj alkye tten jaku tzʼonin tamiwbʼila tukʼil Dios toj ambʼil jaʼlo ex toj ambʼil tzul.
KYXJEL KUʼXUN
¿Tiʼ jaku tzʼonin wiʼje tuʼn nbʼinchane ejercicio?
Mlayxix tzaj yabʼil qiʼj qa ma qo bʼinchan ejercicio, ¿pero tiʼ junjuntl tbʼanel tzul qe qa ma bʼant quʼn?
CAMPAÑA ESPECIAL
Qaninxa jun t-xnaqʼtzbʼila tiʼj Biblia
Kʼamonxa jun t-xnaqʼtzbʼila tiʼj Tyol Dios noq kukx tukʼil jun testigo de Jehová.
