2 | «Tuʼn tqeʼ qkʼuʼj tuʼnju yol tzʼibʼan tuj Tuʼjil»
IN TZAJ TQʼAMAʼN BIBLIA JLU: «Tkyaqil aju o tzʼibʼanjtz tuj Tuʼjil ojtxi, o tzʼibʼanjtz te xnaqʼtzbʼil qe, tuʼn tten qpasens ex tuʼn tqeʼ qkʼuʼj tuʼnju yol tzʼibʼan tuj Tuʼjil, tuʼntzun tqeʼxix qkʼuʼj tiʼj Dios» (ROMANOS 15:4).
¿Tiʼ t-xilen jlu?
Toj Biblia, ateʼ tbʼanel nabʼil jaku tzaj kyqʼuqbʼaʼn qkʼuʼj, in che onin tuʼn tikʼx quʼn ex in tzaj kyqʼoʼn qipumal tuʼn tkubʼ kyiʼj nya bʼaʼn qximbʼetz. Ax ikx, in tzaj qʼamaʼn toj Biblia qa toj chʼintl ambʼil ya miʼn kubʼ qnaʼn bʼis.
¿Tzeʼn in nonin qiʼj?
At maj toj tumel in tzaj qbʼis ex in tzaj bʼaj qkʼuʼj, pero aqeju at depresión moqa ansiedad kyiʼj, bʼalo in nok tilil kyuʼn tuʼn tten kyximbʼetz toj tumel tkyaqil qʼij. ¿Tzeʼn jaku tzʼonin Biblia kyiʼj?
Ateʼ tbʼanel ximbʼetz toj Biblia ex jaku che onin qiʼj tuʼn miʼn tten nya bʼaʼn qximbʼetz (Filipenses 4:8). Ax ikx, jaku chewix qkʼuʼj kyuʼn ex jaku che onin qiʼj tuʼn miʼn ttzaj bʼaj qkʼuʼj tuʼnju in kubʼ qnaʼn (Salmo 94:18, 19).
Jaku tzʼonin Tyol Dios qiʼj tuʼn miʼn tkubʼ qnaʼn qa mintiʼ qoklen ex qa mintiʼ qajbʼen (Lucas 12:6, 7).
Ateʼ nim techel toj Biblia in tzaj kyyekʼin qa nya qjunalx atoʼ ex qa in nel tnikʼ Dios, aju Bʼinchal qe, tiʼjju in kubʼ qnaʼn (Salmo 34:18; 1 Juan 3:19, 20).
In tzaj ttziyen Biblia qa kʼelel tiʼn Dios tkyaqilju in tzaj tiʼn bʼis qiʼj ex qa ya mlay tzaj qnaʼn nya bʼaʼn (Isaías 65:17; Apocalipsis 21:4). Jakulo ten qipumal tuʼn kukx tok tilil quʼn aj qximen tiʼj tziybʼil lu ex mas jaku tzʼonin qiʼj qa in tzaj bʼaj qkʼuʼj.
Bʼalo ax ikx tgana jlu
QE XJEL TIʼJ TYOL DIOS
¿Jakupe kanet qʼuqbʼil nkʼuʼje toj Biblia?
Ateʼ nim xjal in che ok weʼ twitz nim nya bʼaʼn ex in kubʼ kyximen junjun tiʼchaq nya toj tumel. Pero o kanet qʼuqbʼil kykʼuʼj toj Biblia.
