Aj tkubʼ tnaʼna qa mlayx tzʼexa twitz nya bʼaʼn
Jun techel, xi naj chʼixme tkyaqil tiʼchaq te Sally, * te Estados Unidos, tuʼnju tzaj jun huracán. In tzaj tqʼamaʼn jlu: «Kubʼ nximane qa mlay tzikʼx mas wuʼne. Nimku maj kubʼ nnaʼne qa mintiʼtl wipune moqa njwerse».
Ax ikx jaku tzaj nim qbʼis aj tkyim jun toj qja. In tzaj tqʼamaʼn Janice te Australia jlu: «Tej kykyim kabʼe wale, ok wanqʼibʼile ik tzeʼn jun tiʼ otoq kubʼ pax ex chebʼe chebʼe jaw nchmoʼne juntl maj. Xi nqanine jlu te Dios: ‹Najsama, ¡ya mlay tzikʼx wuʼne! Oʼkx waje tuʼn wikʼ jtane te jumajx›».
Atzunte Daniel, chʼexpaj tanqʼibʼil tej tkubʼ ten t-xuʼjil tukʼil juntl xjal. In tzaj tqʼamaʼn Daniel jlu: «Tej ttzaj tqʼamaʼn nxuʼjile jlu weye, kubʼ nnaʼne ik tzeʼn ok xuyuʼn kuchiy tiʼj wanmiye. Nim kʼixkʼoj kubʼ nnaʼne, ik tten ik tzeʼn nim maj in nok xuyuʼn kuchiy tiʼj nxmilale ex kubʼ nnaʼne jlu toj nimku ambʼil».
¿In nok weʼya twitz jun kyxol qeju nya bʼaʼn lu?
Qa in nok weʼya twitz jun kyxol qe nya bʼaʼn lu, che onil xnaqʼtzbʼil tkuʼx toj uʼj lu tiʼja tuʼn tel tnikʼa tiʼj qa at nim tiquʼn tuʼn kukx tanqʼina.
^ Ma che kubʼ chʼixpet junjun bʼibʼaj toj kʼloj xnaqʼtzbʼil lu.
Bʼalo ax ikx tgana jlu
QE XJEL TIʼJ TYOL DIOS
¿Jakupe tzʼonin Tyol Dios wiʼje qa in kubʼ nximane tuʼn tkubʼ nbʼyon wibʼe?
¿Alkyeqe nabʼil tkuʼx toj Tyol Dios jaku tzʼonin kyiʼj xjal kyaj tuʼn kykyim?
QE XJEL TIʼJ TYOL DIOS
¿Jakupe tzʼonin Tyol Dios qiʼj tuʼn tikʼx jun yabʼil quʼn?
Jaku. At oxe tiʼ jaku bʼant quʼn qa tok jun yabʼil qiʼj.
QE XNAQʼTZBʼIL NIM KYOKLEN TOJ TYOL DIOS
¿Tiquʼn in tzaj tqʼoʼn Dios ambʼil te yajbʼil?
In kanet tzaqʼwebʼil quʼn toj Tyol Dios aju in tzaj tqʼuqbʼaʼn qkʼuʼj.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.
